الشهداء قدموا أرواحهم لحماية مصر.. أبرز تصريحات الرئيس فى احتفالية يوم الشهيد

شهد الرئيس عبدالفتاح السيسي الندوة التثقيفية الخامسة والثلاثين، بمناسبة احتفال القوات المسلحة بيوم الشهيد والمحارب القديم، وقام بتكريم عدد من الشهداء وتسلم ذويهم دروع التكريمات.

ويقدم الدستور في التقرير التالي أبرز تصريحات الرئيس السيسي خلال كلمته في الندوة التثقيفية.

• يجب أن نحافظ على ما قدمه خيرة شباب مصر من أجل وطنهم.
• أسر الشهداء دفعت ثمنًا غاليًا في تقديم أبنائها فداءً للوطن.
• القصص الحقيقية لكل شهيد هي عبارة عن كنز من الوفاء والإنسانية.
• الضباط والجنود بكل الوحدات يعيشون فكرة الشهادة المحتملة.
• كنا بنقول يا ترى نحاربهم والبلد تستنى كده.. ولا نحاربهم والبلد نبنيها كده القرار الحرب والبناء والشغل واحنا بنقاتل ومحدش كتير بيعمل كده وده كان من فضل ربنا علينا.
• لقد قدم الشهداء أرواحهم ودمائهم والمصابين اللى قدموا جزء من أجسادهم علشان تفضل مصر هي مصر.
• العهد مننا زى ما هما حرصوا أنها مش تضيع احنا كمان نحرص على أنها تفضل موجودة مش موجود بس كده لا موجودة بما يليق بدم وروح كل شهيد.
• الحقيقة كنت عاوز دايما أسمعكم الكلام اللى بيقوله الأسر والأهالي الأب والأم والزوجة اللى قدموا أبناءهم أو أزواجهم كلام عجيب والله، إنهم بيتكلموا كده ويقولوا الكلام ده.
• طالما فيه مصر شعب وأسر زى ما انتوا شايفين، كلهم اسرنا ناس كلهم بساط زينا واللى راح سند وضهر وضنا أبدا كل كلمة تتقال كلمة طيبة رائعة مستعدين ونقدم اكتر والأب يقولي وانا كمان من فضلكم.
• لما بدأت المعركة مع الإرهاب في 2013 و2014 ولغاية شهور قليلة مضت.. كانت كل الناس بتقول الموضوع ده هيفضل كده على طول الكابوس ده هياخدنا وياخد ولادنا الشر لا يمكن أن ينتصر على أهل الخير مهما كان بشاعة وقسوة وغباء وجهل تصرفهم وعدوانهم.. لا يمكن أن تنجح الخير في النهاية هينجح.
• عاوز أقولكم إن الظروف اللى بتمر على الدنيا واللى احنا جزء منها بتقول إن المسار ده لو كنا بنفكر نعمله دلوقتي قد تكون التكلفة ضعف اللى اتكلفتها وحجم البنا اللى تم خلال السنين اللى فاتت دا كله من دم أبناءنا وكل اسرة يعني كل مصري والناس كانت بتقدم ومش شايفة اللى بتقدم ولادها.
• معدلات التقدم في الجيش والشرطة لم تتوقف لحظة في أصعب الأوقات ولم يتوقف ابدا لا جندي ولا ضابط صف ولا ضابط، نفس المعدلات هي هي ويمكن زادت ومش ببالغ.
• الشعب اللى يعمل كده بيبقا كرم من ربنا ولازم ربنا كمان يساعده الحمد لله رب العالمين عاوز أقول كل شيء يهون بقا لكن تفضل.. نحافظ عليها مبقتش كفاية لكن نبنيها ونكمل بناها.
• شعب مصر العظيم.. أيها الشعب الأبى الكريم نحتفل اليوم معا بذكرى عزيزة على نفوسنا، نستحضر فيها بطولات رجال صدقوا الوعد وبذلوا كل غالي ونفيس من أجل أن يحيا هذا الوطن كريما آبيا مرفوع الرأس رجال رفضوا الاستسلام، وأثروا المقاومة بشرف وبسالة ضاربين المثل لأجيال من بعهدهم.
• مصر الحرة الكريمة تستحق منا كل فداء وتفانى وتضحية.. ويمثل الاحتفال بيوم الشهيد كل عام مناسبة متجددة لتكريم أبناء مصر المخلصين الذين ضحوا من أجل هذا الوطن الخالد، ليستمر نابضا بالحياة.. مثمرا بالخير والسلام والنماء، ونتذكر معا تلك التضحيات التي قد لا يشهر بحجمها الهائل، إلا ما قدم لمصر شهيدا أو مصابا روى بدمه تراب هذا الوطن.
• هذا اليوم المشهود نكرم فيه ليس أرواح الشهداء الأبطال الأبرار من رجال القوات المسلحة والشرطة البواسل أو أي مواطن يؤدى دوره بتفان وإخلاص على اتساع الوطن، وإنما نكرم فيه أيضا عطاء الصامدين الذين يحملون مسئولية هذا الوطن، ليحيا شعب مصر العظيم، في سلام وأمان واستقرار.