تفاصيل أزمة حمو بيكا والجمهور الليبي.. ومواطن: «اوعى تيجي ليبيا»
شهدت الساعات الماضية أزمة كبيرة بين مؤدي المهرجانات حمو بيكا وعدد من الجمهور الليبي بسبب انتشار أخبار تفيد بهروب حمو بيكا من حفل كان مقرر تقديمه بليبيا رغم حصوله على عربون للتواجد في الحفل، إلا أنه أخل بالاتفاق وقرر الهروب، وهو ما نفاه حمو بيكا ودخل في مشاجرة عبر صفحته على فيس بوك.
أزمة حمو بيكا والجمهور الليبي
وكتب حمو بيكا خلال الساعات الماضية على صفحته على موقع التواصل الاجتماعي فيس بوك، "توضيح هام جداً لأهلي، وجمهوري العظيم في ليبيا، بخصوص الشائعات اللي بتقول إن "حمو بيكا" أخد عربون لعمل حفلة في أراضي ليبيا وملتزمش بميعاد الحفلة وقفل تليفونه .. الكلام ده غلط جداً ومحصلش والكلام ده كله إشاعة.. أولاً حمو بيكا مش بيتعامل مع أي منسق حفلات سواء في مصر أو في خارج مصر.. والتعامل بيبقي من خلال مديرين الأعمال مصطفى دولسيكا - محمد حلمي".
وأضاف مؤدي المهرجانات، “أنا معنديش أي حفلات في ليبيا ولا قريب ولا في وقت فات، وكل الكلام اللي اتقال ده كله اشاعات هدفها التحريض بين النجم حمو بيكا وجمهوره في ليبيا، وحمو بيكا يعشق أراضي ليبيا وجمهورها فهما سبب من أسباب نجاحه .. وان حمو بيكا معظم أغانيه لدولة ليبيا الشقيقة وجماهيرها، أي تفاصيل عن أي حفلة سواء في مصر أو خارج مصر، هتنزل هنا علي صفحتنا الرسمية .. وياريت أي حد من جمهوري العزيز ميسمعش لأي شائعات هدفها التحريض مش اكتر، ومتنسوش .. ليبيا دي أرض الحرب .. سيطرة شرق وغرب، تحياتي لأهلي في ليبيا”.
ورد أحد مواطني ليبيا على منشور حمو بيكا: “جمهور إيه هو أنت صدقت الجمهور الليبى لا يستمع إلى الفن الهابط بتاعك نصيحة اوعى تيجى ليبيا”.
وعاد بيكا مرة أخرى ليرد ويقول “ بس ابقي انزل خدلك لفه في المولات والأسواق في ليبيا وشوف نسبة المبيعات لحمو بيكا في ليبيا عاملة ازاي”.
