«أوكا» يُثير جدلًا كبيرًا عبر «فيسبوك» بسبب «شعره»

أثار مطرب المهرجانات أوكا، جدا واسع على موقع التواصل الاجتماعي “فيس بوك”؛ بسبب اللوك الجديد الذي ظهر فيه حيث ظهر بشعر لونه "روز"، وتعرض لهجوم كبير عبر صفحة زوجته مي كساب.

قالت ليلي نور:"انت حر مالم تضر.. كل واحد حر في نفسه بدون أي أذيه لحد .عموما هو اوكا طول عمره بيطلع بصيحات جديده .في الموسيقي والكلمات واللوك .. واكيد لو مكنش ربنا كاتبله التوفيق مكنش استمر .. هو عنده حاجات حلوه يقدر يقدمها ..بس اكيد وقتها لسه مجاش. هي الناس دائما بيحبوا يعولوا علي حاجات كتير لكن الخلاصه في احترم الاخر واجعل مساحة حريه للآخرين تهنأ بحريتك..احترامي ليكي يامي ..انتي خير داعمه وخير سند.. اعتقد رزق اوكا كله ربنا جعله فيكي وفي وقفتك جنبه ".

فيما أضافت ورود مصطفي:"بلبس ده وبشعر ده لا ده كتير مش كفايه مش بفهم حاجه من المهرجانات كمان صبغ شعرو".

بينما علقت أسماء عرابي:"اكتر حاجه بتعجبنى فيكى انك ست بميت راجل واقفه مع جوزك ودايما بتدعمى ربنا يباركلكوا فى بعض ويبعد عنكوا اى شر وينجحكوا سوا اكتر واكتر".

وقال مصطفى:" ياجماعه اوكا إنسان جدع اوي ومعروف عنه أنه يعرف الأصول كان بيفرح الناس كلها ايام مكان بينزل المهرجانات وكان بيجامل الكل الله ينور عليك يا وحش المطريه".

وعلقت هدير محمد قائلة:" انا مش عارفة ليه الشباب بقت تلون شعرها كدا ولابسها زي البنات ليه بس".

أثارت الفنانة مي كساب جدل كبير علي السوشيال ميديا بعدما قامت بالترويج عن الالبوم الجديد لزوجها أوكا، وكشفت مي كساب عن الاسم الحقيقي لزوجها "أوكا" وقالت أن اسمه الحقيقي محمد صلاح.

وروجت مي كساب لزوجها اوكا عن البومه الجديد وقالت عبر صفحتها الرسمية علي فيس بوك :" فانزاتي الحلوين أنا عاوزه الصوره دي تلف مصر والوطن العربي كله ألبوم #محمد_صلاح  # الجنرال_أوكا".
وكشفت مى سر الاسم الذى أطلقه زوجها "أوكا" على الألبوم، وذلك فى تدوينة عبر حسابها بموقع التواصل الاجتماعى "تويتر"، حيث كتبت "بصراحة شديدة جدًا جدًا ومش عشان جوزى أنا بقول الحق، أوكا شاطر مخلص حقيقى موهوب مختلف، هتسمعوا ألبوم جديد متعوب عليه جدا فى كل حاجة، بإذن الله تتبسطوا قريبا جدا ألبوم محمد صلاح 2021".

وأضافت مى كساب: "ملحوظة.. أوكا اسمه الحقيقى محمد صلاح والأغنية دى بيحكى فيها حكايته مع المزيكا".

وفى تدوينه أخرى عبر حسابها على موقع "إنستجرام"، كتبت مى كساب " سلمنا ألبوم أوكا الجديد محمد صلاح، إن شاء الله هتسمعوا ألبوم مختلف في كل حاجة.. كلمات وألحان توزيع أداء ميكس ماستر، تعب شهور، ربنا يديك من فضله وكرمه عشان أنت تستاهل خير الدنيا كله يا حبييى".