مؤلف «فاكرني يا حب» عن عمرو دياب: «عندنا مطرب فتوة»
أشاد الشاعر الغنائي صابر كمال، باختيار الهضبة عمرو دياب لأغنيته التي كتبها من ألبوم عمرو دياب الجديد باسم "فاكرني ياحب" وتحمسه الشديد لها نظرا لغرابتها واختلافها وبحثه عن مطرب يأخذ المغامرة لتنفيذها.
وكتب كمال عبر حسابه الشخصي على فيس بوك: "دار في ذهني سؤال بعد ما خلصت الغنوة دي، مين عنده الجراءة يقول الكلام ده؟! فقلت وارد ألاقي مطرب شجاع يتحمس للتجربة حتى لو هيعدّل بعض الكلمات فيها لأنّي عارف أن مش أي حد يقدر ياخد الريسك ويخاطر ويقول كده".
وأضاف: "عرفت إن عندنا مطرب فتوة اسمه عمرو دياب أخدها من غير ما يغيّر فيها حاجة، ولقيته بيكلمني تاني يوم سعيد بالغنوة وبيقول مقاطع منها معايا وبيقوللي أنت كاتب موضوع من ريحة صلاح چاهين وفؤاد حداد، شكرًا نجمنا الكبير عمرو دياب، طول عمرك مغامر ومجدّد وشجاع وسبّاق، وبشكر أستاذنا وموسيقارنا الكبير وليد سعد اللي حصللي الشرف بالتعاون الأول معاه، وحس الكلام وعبّر عنه بشكل أجمل مما كنت متخيّل، وشكرًا للموزع الكبير أحمد عادل ولمهندس الصوت أستاذ أمير محروس ولكل صناع العمل".
