كيف تفاعل رواد مواقع التواصل الاجتماعي مع واقعة رضوى الشربيني
تصدر هاشتاج "ادعم رضوي الشربيني" تريند تويتر، وذلك عقب إحالتها للتحقيق من المجلس الأعلى للإعلام بسبب ما قالته عن غير المحجبات حيث قالت في إحدي حلقاتها " المحجبة أحسن ١٠٠٠ مرة من اللى مَش محجبة"، وتنوعت التغريدات حول دعم رضوي الشربيني فمنهم من يرى أنها لم تخطئ في شيء ومنهم من يرى أن ما قالته هو إهانة لغير المحجبات، قال أحد المغردين المدافعين عّن رضوي الشربيني: "حركة رضوي الشربيني زعلت شيطان الناس اللي كان مخليهم مقتنعين ان ثوابت الدين الاسلام ماهي الا عاده قديمة".
تفاصيل واقعة رضوى الشربيني عبر السوشيال ميديا
بينما قالت مغردة أخرى مهاجمة لها: "كلامها فيه تقليل من غير المحجبات وهالشي عيب ومرفوض.... مش قطعة القماش يللي بتحدد مين أحسن ومين أقرب عند ربنا، النية والنفسية والأخلاق هني يللي بيحددوا قبل أي شيء تاني".وقالت اخري في تغريدة لها مدافعة عّن رضوي الشربيني: " مفيش بشر ملايكه لأن الملايكه معصومين من الذنوب احنا كلنا بنذنب وكل ابن آدم خطاء.. وطبعًا مفيش حد واصي علي حد ومفيش حد بيتحاسب مكان حد كل واحد بيشيل شيلته وكل واحد بيروح لربنا بأعماله وهو سبحانه اللي بيحاسب.. لكن هو برضو سبحانه اللي أمرنا كمسلمين ان نؤمن ونتعلم ديننا وأصوله ونعمل باللي اتعلمناه من القرآن الكريم والسنه ونتواصي بالحق ونصح اخواتنا وتوصيل القدر اللي احنا اتعلمناه من ديننا وغيرنا متعلمين اكتر بينصحونا وهكذا وفي الرحله لازم نتواصي بالصبر."
واستكملت تغريدتها:" وما عليك إلا البلاغ المبين وكمان أمره بانه مايكونش فظ غليظ القلب وان الكلام يبقي بلين وإحسان".
بينما قالت مغردة مهاجمة لها: "صح كلامها ولكن رضوى زودتها شوية في قصة المحجبة أحسن من غير المحجبة.. لأن دا مش صحيح ومش في الكل ف ماينفعش نعمم بشوف أن رضوى في تناقض بتعيشه ومأثر على كلامها".
تابع أيضاً:
وقالت مغردة أخرى: "متضايقة اوي من اللي بيحصل مع رضوى الشربيني،لأن ازاي شخص جميل جدًا كدة بيدعم كل الناس وبيقف جمب أي حد محتاج مساعدة وأنها دايما شخص داعم لينا ودايمًا بتثبت وجودنا وحقوقنا يحصل معاها كده،أنا بحبها وتستاهل اننا ندعمها في الموقف اللي هي فيه حاليًا".
