حسين خيرى وشيرين غالب تحت مقصلة السوشيال ميديا
هاجم رواد السوسيال ميديا حسين خيري وشيرين غالب ببضعة أسئلة ناجمة عن سياستهم المشينة في حق الأطباء ونقابتهم العريقة.
وقال المهاجمون:" على فكرة يا دكتور حسين النقابة دي مش ميراث حضرتك عشان تهادي بيها مدام من مينا ولو إعجابك بيها متزايد للدرجة دي ممكن تتمشى شوية وتجيبلها هدية من أي محل للهدايا أو ممكن تستنى الفلانتين اللي جاي وتعبر عن إعجابك بأفكارها وتصرفاتها التي تسيء لمهنة الطب.
وتابع المهاجمون:" بالنسبة لمدام شيرين غالب إهدى شوية إنت لسه جاية في الانتخابات.. وعلى فكرة الانتخابات اللى جاية لسه بدري عليها.. مش عارفين مستعجلة على إيه عشان تستحوذى على إعجاب الإخوان والسرسجية واتاكدي إن طريق من أين تؤكل الكتف اخرته احتقار عموم الأطباء والمصريين.
واستطرد المهاجمون: "يا حسين يا خيري ويا شيرين يا غالب ركزوا شوية وأقرأوا
عن تاريخ النقابة دي بدل ما أنتوا مدورينها لحسابكوا وسايبن مصالح الأطباء.. والاخطر إنكم سايبين مصالح الوطن والشعب".
واختتم المهاجمون: "نفسنا صوتكوا يعلى على المستشفيات الخاصة لكن إحنا طبعا متأكدين إنكوا مع أصحاب المستشفيات كالنمامة التن تدفن رأسها في الرمال وهنا يثور التساؤل ليه يا حسين يا خيري وليه يا شيرين يا غالب ما بتقدروش عليهم ليه".
