عمر السعيد يوجه رسالة لمخرجة ومؤلفة «ليه لأ»
حرص الفنان عمر السعيد، على توجيه رسالة للمخرجة مريم أبوعوف والمؤلفة مريم نعوم، تزامنًا مع عرض الحلقة الأخيرة، اليوم السبت، من مسلسل "ليه لأ".
ونشر السعيد، صورًا من الكواليس، عبر حسابه على إنستجرام، معلقا: "المريمتان (أبوعوف ونعوم).. الأستاذة مريم أبوعوف (مريومة) مخرجة مهمة جدًا في السنين الجاية.. عندها حس ومشاعر قليلون من يملكونها في هذا المجال، وإن كان أهم ما يميز المخرج تفاصيله وشغله وحسه وروحه أو نفسه بالبلدي كدا".
وتابع: "عايز أعبرلك عن امتناني وشكري، مش بس عشان اختارتيني لدور مختلف أول مرة أقدمه.. لأ، عشان إصرارك طول الوقت واهتمامك بالتمثيل، المهم جودة المشهد بكل تفاصيله وعلى رأسها العنصر الأهم وهو الممثل اللي بيحول كلام مكتوب لبني آدمين بمشاعر وأحاسيس وطاقة وحاجات تانية كتير".
على جانب آخر، وجه رسالة للمؤلفة مريم نعوم، قال فيها: "الأستاذة مريم نعوم، عايز أشكرك على روحك واختلافك إنتي وورشة سرد لكل عمل بتقدموه بيبقى مختلف وبجودة أحلى وأحلى.. مريم يا وش السعد، مفيش عمل أنا عملته معاكي منجحش من أول فيلم ليا وأول مرة أمثل في (واحد صفر)، وأول مسلسل ليا (ذات)، والسنة اللي فاتت (زي الشمس) والسنة دى (ليه لأ)؟! قصصك بتلمس الناس، شخصياتك بتحاكي واقعهم وحوارك هو الدارج المتقن الطبيعي بين البشر.. أشكريلي سرد ودينا نجم وكل واحد ساهم معانا".
مسلسل "ليه لأ" شارك في بطولته أمينة خليل، هالة صدقي، شيرين رضا، محمد الشرنوبي، هاني عادل، ناردين فرج، وعمر الشناوي.
