أسامة كمال يعلق على تناول الإعلام الغربى لأحداث غزة

علق الإعلامي أسامة كمال على تصاعد الأحداث في الأراضي الفلسطينية المحتلة، وخاصة  قطاع غزة.

وقال "كمال" خلال تقديم برنامج "مساء دي إم سي"، والمُذاع عبر فضائية "دي إم سي"، مساء اليوم الإثنين: "مازلنا نتابع التصريحات حول الغزو البري لغزة، والإعلام الغربي بيقول لما الغزو يتم هنتكلم، إيه يا عالم، بصوت وحيد سيف، مالكم، الناس بتتكلم عن جرائم قتل بتحصل، بس لما جريمة القتل الكبيرة تحصل هنبقي بقي نفكر مع بعض ونتكلم".

وأضاف: "بقيت معظم الوقت بتابع اللي بيحصل في غزة، والكل بيتكلم بالوتيرة دي، ودة مذهل ومرعب، تخيل حد بيقولك، لما أقتل حد، هنبقي نشرب قهوة، إيه العبث اللي إحنا عايشينه ده".

وتابع: "لسة الرهائن في يد حماس، 222 رهينة، وهناك جهود دولية لإطلاق سراحهم، وإدارة بايدن نصحت إسرائيل أن تؤجل الغزو البري، وده عبث، وكلام غير مسئول، وأكثر قادة الزعماء الأكثر ظلمًا، مكنوش يقدروا، يقولوا كده، المسئولين الأمريكان بيقول عايز وقت أكتر نحضر نفسنا لهجمات الجماعات الموالية لإيران".