«دوستي على الجرح».. كيف تفاعل تامر حسني مع جمهوره على السوشيال ميديا؟
يحرص النجم تامر حسني على التحدث مع جمهوره من خلال حسابه على موقع تبادل الصور والفيديوهات القصيرة «إنستجرام».
وهذا العام قرر تامر حسني عدم نشر أي مقاطع أغاني تقديرًا لشهر رمضان الكريم، قائلاً: «الاستوري الشهر ده إن شاء الله فيه كلام مهم نسمعه كلنا ونعرفه ونعرّفه لبعض».
وتابع حسني: «عشان نكون سبب خير لبعض إن شاء الله كل سنة وانتوا طيبين ويا رب في الشهر الفضيل ده كل حد فيكوا طلب حاجه من ربنا يحققهاله ويفرح قلبه بيها إن شاء الله قولوا آمين وادعوا كتير.. رمضان كريم».
رسالة إحدى المتابعين
وقالت إحدى المتابعين في رسالة لـ«تامر»: «أوقات كثيرة انت بتدعمنا بتدينا طاقة إيجابية لكل واحد عنده مشكله مهما كانت وبما إننا مش عايشين معاك فأكيد بتعدي بظروف صعبة ربنا يوقف لك الناس اللي تديك طاقة إيجابية زي ما أنت بتدينا بس أهم حاجه يكونوا بيحبوا الخير بجد».
تامر حسني يعلق
ورد “حسني” على رسالتها قائلاً: «ياااااااااااه يا مريم دوستي على الجرح، ناس كتير بيتخيلوا إن الفنان معندوش مشاكل أو مشاكله بسيطة.. والله الموضوع مش كده خالص.. ممكن تلاقي فنان بيضحك الناس وجواه بيبكي بس عشان دي شغلانته لازم يبان مبتسم وبيهزر».
وأضاف: «تاني حاجة أنا عمري ما شوفت نفسي فنان، من يوم ما طلعت وأنا شاب طبيعي زي أي شاب ولا عمر غيرني أي شيء، وأكيد كلكم شايفين ده.. ومتعتي الكبيرة لما بحس إني أثرت بالإيجاب في حيات حد فيكم.. ربنا يحميكي يا أجمل دكتوره شكراً على الدعوة الحلوة».
