«كابيتانو مصر».. نور خطاب: الالتزام بمواعيد الأكل والتمرين صفة المحترفين

حل الكابتن نور خطاب، استشاري علم التغذية، والرياضة، ضيفاً علي حلقة اليوم من برنامج "كابيتانو مصر"، لتقديم النصائح للاعبين حول التغذية وتقوية الجسم.

وأشاد كابتن نور خطاب، ببرنامج "كابيتانو مصر"، مُعبرًا عن سعادته بالتواجد داخل معسكر "كابيتانو مصر".

 وقال:" محمد صلاح اشتغل علي نفسة كتير جداً، وغيره من اللاعيبين المحترفين، والمحترف مش بيلعب كورة وخلاص، لا لاعب الكرة بيبقي عارف يشتغل علي نفسه، وبيفكر في الملعب".

وأضاف :"ربنا سبحانه وتعالي أعطي كل إنسان موهبة عشان يعيش ويتعايش مع أحداث اليوم، وعندنا مكونات الطعام من البروتين، والكاربوهيديت، كل مكون غذائي له وقته".

وأشار إلى أن أعلي نسبة بروتين في البيض، متابعاً:" أكتر حاجة ممكن تبقي مش مضرة، بس مش مفيدة هي اللحمة، والسمك مفيد جداً لأنه بيتهضم بسرعة ومبيزودش الوزن، وعشان أبقي لاعب كرة محترف لأزم تبقي عندي مواعيد للأكل والنوم ومواعيد للتمرين".

كابيتانو مصر

بدأت فعاليات حلقة جديدة من برنامج "كابيتانو مصر" لاكتشاف المواهب، المذاع عبر فضائية "ON"، الذي تنظمه الشركة المتحدة للخدمات الإعلامية بالتعاون مع وزارة الشباب والرياضة.

أقر أيضاً: 

تحدي «كريستيانو رونالدو».. يشعل حماس لاعبي «كابيتانو مصر»

كابتن نور خطاب.. ضيف حلقة اليوم من «كابيتانو مصر»