أحمد جمال يطرح أغنية «قسمة ونصيب» بتوزيع جديد «فيديو»
أعاد المطرب أحمد جمال طرح أغنية "قسمة ونصيب" بعد إعادة توزيعها موسيقيا بشكل جديد، وذلك بناء على مطالبة جمهوره له بغنائها فى العديد من حفلاته التى أحياها فى الفترة الأخيرة.
"قسمة ونصيب" هى أول أغنية للفنان أحمد جمال فى مشواره الفنى، وقبل مشاركته فى برنامج "أراب آيدول" ولها منزلة خاصة لديه، لكونها عرفته بالموسيقار الراحل عمار الشريعى، وبعد نجاحها أعجب به الشريعى وبموهبته، وقام بتلحين ثلاث أغنيات له هى أغنية "حبيبتي " تتر مسلسل "مذكرات سيئة السمعة" وأغنية "ستر وغطا"و"البيت بيت أبونا" تتر مسلسل "بيت الباشا".
الأغنية كلمات نورالدين محمد وألحان أحمد جمال وتوزيع موسيقى محمد شفيق، ومن توزيع شركة ديجيتال ساوند.
كلمات أغنية “قسمة ونصيب”
كل شىء قسمة ونصيب تبقى جنبي أو تغيب
مهما يحصل برده انت نور عيوني والحبيب
مهما كان ردك عليا طول سنينى عمرى اللى جايه
عمرى ما هنساك وقلبى مش هيعشق مرة تانية
ده نصيب وأنا هعمل إيه انكتبلى أعيش وحيد
واللى قلبى يحس بيه عن عنيا يكون بعيد
كنت فاكر إنى هنسى و أقفل الباب عالحكايه
والحقيقة طلعت لسه على خط البداية
مش هنا ومش جمبى يمكن بس فى كل الأماكن
خت ميت مليون مسكن بس وجع البعد ساكن
ده نصيب وأنا هعمل ايه انكتبلى أعيش وحيد
واللى قلبى يحس بيه عن عينيا يكون بعيد
آخر أعمال أحمد جمال الغنائية
كان أخر أعمال المطرب أحمد جمال الغنائية بعنوان "خطير خطير" وهى أغنية عاطفية وهي من كلمات وألحان عزيز الشافعى، وتوزيع جلال حمداوى.
