حرم الشهيد هشام عزب: «دماء أهلنا» ضريبة أمن وأمان مصر.. ولن نتركها للخراب

تقدمت زوجة الشهيد الراحل هشام عزب، الذي استشهد في أحداث إرهابية بمصر الجديدة، برسائل دعم للدولة المصرية والرئيس عبدالفتاح السيسي.

وقالت السيدة شرين، حرم الشهيد عميد هشام عزب: "إحنا جربنا الخراب وجربنا الفوضى سنين طويلة مجاش من وراها غير الخراب والانحضاض في جميع المستويات الاقتصادية والأمنية على كل الأصعدة، وبعد ما عيشنا سنين من الاستقرار في الأمن والأمان، مش هنرجع تاني للخراب، بلدنا بتطور وده بفضل دماء الشهداء اللي راحوا علشان خاطرها، البلد دي تبقي في أعلى مكانة".

وتابعت: "إحنا دلوقتي حاسين بالأمن والأمان، أي حاجة في الدنيا أهون علشان إحنا في أزمة عالمية، لو معندناش أمن وأمان لا هنعرف ناكل ولا نشرب ولا نشتغل ولا نروح في أي مكان، بالتالي إحنا عندنا أهم المقاومات ربنا يديمها علينا نعمة تحت قيادة الرئيس عبدالفتاح السيسي".

ووجهت كلمة للمصرين: "الرئيس السيسي وهو أب لكل المصريين، إحنا مش هنلاقي رئيس زيه تاني بيخاف على كل المصريين ويعمل لمصلحتهم، يارب نراجع نفسينا قبل فوات الأوان علشان الدم اللي راح وأولادنا اللي اتيتمت، يارب نحافظ على بلدنا في ظل رئيسنا".

يذكر أن الشهيد العميد هشام عبدالعزيز العزب، أو "الضابط المخلص" تخرج في كلية الشرطة، عام 1988، عمل بقطاع الأمن العام بمديرية أمن القاهرة، ثم شغل منصب معاون مباحث مركز شرطة كوم أمبو بأسوان، وعاد إلى القاهرة مجددا، على قوة إدارة المرور، التي عمل بها من عام 2000 حتى استشهاده في 2015، حيث كان يشغل منصب رئيس وحدة مرور النزهة، وشهد له كل من خدم معه، بأنه كان يعمل دون كلل أو ملل، واستشهد البطل تاركا 3 بنات، هن جنة وشهد وفرح، وهن ثمرة زواج دام 15 عاما.