بهاء سلطان: مصطفى كامل كان مصدقني من البداية ولحد النهاردة بينصحني

كشف الفنان بهاء سلطان، تفاصيل مساعدة الفنان مصطفى كامل له عندما سمعه للمرة الأولى وأمن بموهبته مؤكدًا أنه سبب نجاحه بعد الله.

مساعدة مصطفى كامل لبهاء سلطان

وقال خلال لقائه في برنامج "أنغام"، مع الفنانة أنغام، والمذاع عبر فضائية "DMC": "مصطفى كامل وقف جنبي في أغنية قالي وأحلف وفي أول وتاني ألبوماتي ساعدني جدًا، وعملي أهم الأغاني وهو اللي وصلني للناس وكمان نصر محروس كان بيسأله نعمل إيه لبهاء اقترح عليه أغنية يا ترى وهو كان مهتم جدًا إني أكمل في الأغاني وكان بيشجعني".

 وأضاف: "أغنية أحلف و8 أغاني من ألبومي كان سبب نجاحهم ربنا ثم مصطفى كامل، لإنه كان مصدقني وعايز يخليني أكمل و لحد النهارده بينصحني وهو زي أخويا الكبير".

وتابع: "أغنية يومين وعدوا من ألحان حسين محمود ومن كلمات بهاء الدين محمد، وده كان أول ألبوم أعمله وكان مصطفى كامل، اشتغل معايا كتير في الألبوم ده، وكانت الأغنية أول خطوة بالنسبالي وكانت مهمة جدًا، وتعاوني مع طارق عاطف كان حلم بالنسبالي".

وأردف: "كنت بروح أسجل الأفنية وبغنيها كتير، زي أغنية يا ترى غنيتها 4 مرات لأن روح الفنان مكنتش لسه موجودة عندي، وواحد صاحبي قالي أغنية يومين وعدوا هتعيش 10 سنين".