حقيقة زواج المطرب عمر كمال من طليقة أحمد الفيشاوى ندى الكامل

نشر الفنان عمر كمال، صورته برفقة الدكتور أسامة قابيل، وأوضح حقيقة الصورة والتي انتشرت على السوشيال ميديا مرفقة بخبر زواجه، حيث كتب كمال عبر حساباته الشخصية، قائلاً: "السلام عليكم.. امبارح شوفت صديقى الدكتور أسامة قابيل بعد شغله ونورنى وكان قعدة جميلة .. وأخدنا صور عادية بعد القعدة وكان لابس اللبس الأزهرى الجميل لأنه بعد شغله.. الناس في لحظة ربطت ده أنه كتبت كتابى وبحاجات شخصية في حياتى".
وأضاف عمر كمال: "مع أنى كنت لابس شورت وكاب وقاعد في قعدة خاصة جدًا مع ناس بحبها.. ليه يا جماعة فيه ناس عندها إصرار تخلينى اطلع كلام مش عاوز اقوله وتفتش ورايا.. وليه الناس متراعيش ان كل واحد ليه أهل وأسرة بيعملهم مشاكل معاهم بكل كلمة غلط بتنزل".

وتابع المطرب قائلا: "أنا حتى يوم ما أتجوز مش هدخل حياتى الشخصية في السوشيال ميديا إطلاقًا.. ياريت يا جماعة تسيبونى فب حالة وتراعوا ربنا في سيرة الناس وفيه حاجات ف مصر أهم 100 مرة منى ومن أخبارى الشخصية".

ارتباط عمر كمال وندى الكامل 

وكان الثنائي عمر كمال وندى الكامل، إعلانا استعدادهما للزواج. حيث يحضر الاثنان عش الزوجية بمنطقة التجمع الخامس، وسوف يقيم العروسان حفل زفاف يحضره عدد من المقربين والأصدقاء فقط.

وسبق ووجهت ندى الكامل رسالة دعم لـ عمر كمال عبر حسابها بموقع انستجرام، قائلة: أنا بحب طيبة قلبك وإنسانيتك يا عمر، واللي بتقدمه للمجتمع، وأتمنى كل إنسان يعمل زيك لأنك إنسان عظيم.. وأنا بحبك".

أحدث أعمال الفنان عمر كمال

وطرح عمر كمال، مؤخرًا فيديو كليب أغنية «خلينا سهرانين» عبر موقع الفيديوهات يوتيوب، وبلغ عدد مشاهداتها 361 ألفًا بعد يوم من طرحها، «خلينا سهرانين» من كلمات وألحان عمرو قطب، وتوزيع وسام عبدالمنعم، وإخراج أشرف رمضان.

وتعاون عمر كمال في أغنية "سهرانين" مع كل من الشاعر الغنائي والملحن عمرو قطب، والموزع الموسيقي وسام عبدالمنعم والفيديو كليب من إخراج أشرف رمضان.

كلمات أغنية سهرانين للمطرب عمر كمال.. 

بقى ده اسمه كلام

بقى حد يسيب القعدة الحلوة دي ويقول سلام

بقى ده اسمه كلام

ده إحنا ما صدقنا نشوف بعض تقوم تمشي قوام

ده السهرة يا دوب لسة بتبدأ والجو يا روحي عليه

يخلي اللي مانمش بقاله أسبوع يسهر ما ينام

تمشي تروح فين خلينا سهرانين

ده الجو جميل والناس كلها صاحيين.