بعد انفعاله على رانيا شاهين.. هشام المليجى معتذرًا: «متضايق من نفسى»
وجه الفنان هشام المليجي رسالة اعتذار إلى زميلته الفنانة رانيا شاهين، بعد انفعاله مؤخرًا بسبب تصريحاتها غير الدقيقة عن حياته ومعاناته من الاكتئاب بسبب عدم مشاركته في أعمال فنية خلال هذه الفترة.
ونشر هشام منشورًا عبر صفحته الرسمية على "فيسبوك" قائلًا: “أنا متضايق من نفسي جدا لأني كنت عنيف مع زميلتي اللي كانت عاوزه تساعدني وغلطت في الأسلوب ومش عارف أعمل إيه، إخواتي وأقرب الناس ليا ميعرفوش دواخلي ولا حياتي الشخصية.. وأنا مطلبتش منهم مساعدة لأنهم أولى الناس بمساعدتي ده لو كانت عندي أزمة”.
وأضاف: “عشان كده أنا انفعلت ومكنش المفروض أكتب وانا غضبان .. متزعليش مني يا رانيا وحقك عليا انتِ عارفة إنك غالية عندي وطول عمرنا جدعان مع بعض وأنا بعتذرلك قدام الناس كلها”.
رانيا شاهين: حالته النفسية سيئة
وكانت الفنانة رانيا شاهين نشرت مؤخرًا صورة الفنان هشام المليجي وكتبت عن حالته النفسية السيئة، عبر حسابها على موقع التواصل الاجتماعي، وقالت: "الراجل ده جاري في العمارة اللي جنبي ومتربيين مع بعض مش بيشتغل وهو ممثل ممتاز ومكافح وعنده اكتئاب وبيرفض إنه يكلم حد ع شغل علشان هو حساس تحية ليك يا جاري العزيز الصابر الصامت صاحب عزة النفس".
وأضافت: "أنا عارفة إنه هيزعل مني لما يعرف إني كتبت الكلام ده.. بس كل ما أزوره حقيقي بيصعب عليا.. مع إنه مش بيشتكي بس باين عليه"، وصاحبت كلامها بهاشتاج "الموهوبين في الظل".
هشام المليجي ينفعل
وسرعان ما كشف هشام المليجي حقيقة ما تم تداوله حول تعرضه لاكتئاب نظرًا لقلة مشاركته في الأعمال الفنية.
وكتب عبر حسابه على فيسبوك: فجأة لقيت الصحافة كلها بتكلمني بسبب منشور من زميلة وصديقة أكن لها كل الحب والاحترام.. أنا بخير ولا يوجد ما يعكر صفو حياتي والأمور على خير ما يرام الشغل ده رزق ومكتوب ولا حيلة لنا في الرزق.. أنا تمام وبصحة جيدة ولا أعاني من الاكتئاب بسبب عدم مشاركتي في الأعمال التليفزيونية أو السينمائية أعمالي قليلة صحيح بس معروفة، وربنا وفقني فيها، والناس أكثرها بتحبني وسيرتي كويسة في الوسط الفني، ومعنديش مشكلة مع حد، وربنا يعدي الحرب اللي دايرة اليومين دول على خير، ويرفع عننا الوباء والبلاء شكرا لكل الأصدقاء والمتابعين ومفيش أي مشكلة أصلا، والحمد لله على كل حال، وربنا يسترنا دنيا وأخرة.
