حكيم يطرح أحدث أعماله الغنائية «أنا مين» (فيديو)
طرح المطرب الشعبي حكيم، اليوم الأربعاء، أحدث أعماله الغنائية بعنوان “أنا مين” عبر قناته الرسمية بموقع الفيديوهات الشهير “يوتيوب” وعدد من المنصات الغنائية الإلكترونية ومحطات الراديو.
وتنتمي أغنية “أنا مين” إلى نوعية الأغنيات الحزينة، وتعاون فيها حكيم مع كل من الشاعر الغنائي عصام حجاج، والملحن تامر حجاج، والموزع الموسيقى أشرف البرنس.
كلمات أغنية “أنا مين”
أنا مين
انا فى الدنيا دى ضيف
وحيد مع إنى بين ناسى
وبفرح فى الحياة تخاطيف
شايل الدنيا فوق راسى
عرفتوا أنا مين
أنا اللى تملى قلبى حزين
وبضحك بس على نفسى
على أمل إنى أعيش لى يومين
عرفتوا أنا مين
أنا اللى فى كل دمعة عين بشوف نفسى
أنا اللى فى كل يوم بيفوت يزيد يأسى
أنا المحسوب على العايشين لكن منسى
أنا الفرح اللى مش شايفه ولا شايفنى
أنا الحب اللى مش عارفه ولا عارفنى
أنا الحزن اللى كبرنى أنا الجرح اللى كتفنى
عرفتوا أنا مين
وعيت عالدنيا متلطم ما بين همى وأوجاعى
وعيشت فى وسط ناس خاينين ودنيا بتلوى فى دراعى
أنا شوفت المرار ألوان واتحملت فوق طاقتى
حلمت كتير أعيش مرتاح وعيشت بخنقتى وضيقتى
أنا اللى فى كل دمعة عين بشوف نفسى
أنا اللى فى كل يوم بيفوت يزيد يأسى
أنا اللى محسوب على العايشين لكن منسى
أنا الفرح اللى مش شايفه ولا شايفنى
أنا الحب اللى مش عارفه ولا عارفنى
أنا الحزن اللى كبرنى أنا الجرح اللى كتفنى
عرفتوا أنا مين
آخر أعمال المطرب حكيم الغنائية
وطرح النجم الشعبي حكيم الأيام الماضية أحدث أعماله الغنائية والتي تحمل اسم «كله راح»، عبر قناته الرسمية بموقع الفيديوهات الشهير «يوتيوب»، وهي أول أعماله الغنائية في عام 2022.
وطرح في شهر أغسطس الماضي أغنية "الناس السهرانين"، وتعاون فيها مع كل من الشاعر الغنائي شفيق كارم، والملحن تامر حجاج، والموزع الموسيقي ميدو مزيكا.
