سبب تصدر محمود الليثى التريند عبر محرك البحث «جوجل»
سبب تصدر محمود الليثي تريند جوجل.. يبحث الكثير من المواطنين عن السبب وراء تصدره لمحركات البحث، وهو ما يكشف عنه "الدستور" في السطور التالية فقد اندلعت اشتباكات بينه وبين البلوجر مريم سيف، ليصبح حديث السوشيال ميديا.
وحدثت الأزمة بعدما تحدث الفنان محمود الليثي عن أن مهنة مشاهير مواقع التواصل الاجتماعي ليست مهنة، وردت البلوجر عليه بقوة، بمحاولات منها لتقوم بالتطاول عليه.
سبب تصدر محمود الليثي التريند
اندلع الهجوم بين الفنان محمود الليثي والبلوجر مريم سيف، بعدما نشر الأول عبر حسابه على موقع "فيسبوك" قائلا: "عشان لما نقول إن الإنفلونسرز مش شغلانة، تبقوا تسمعوا الكلام"، بدون ما يقوم بتوضيح الأسباب لمتابعيه.
وردت البلوجر مريم سيف من خلال خاصية الأستوري عبر حسابها بموقع التبادل للصور وللفيديوهات موقع «إنستجرام»، وكتبت: "وأنت شغلانتك إيه بقى؟ مش قدام الكاميرا زينا ولا أنا بيتهيألي؟ ولا لو الكهرباء اتقطعت بتنطفو أنتوا كمان ولا إيه النظام؟ قام قالك الإنفلونسر مش شغلانة، على الأقل إحنا لينا نفع عنكم والله.. طب خلي ممثل كبير يتكلم طيب، يا جدع مش كده.. أنا قولت محمود حميدة بيتكلم مثلًا لكن اتخضيت لما لقيته محمود الليثي".
ولم يكن يتوقف النقاش إلى تلك الحد، ليرد النجم محمود الليثي قائلًا: «بصي يا أستاذة ياللي مش عارفك، أولًا أنا مغلطش فيكي لشخصك وإنتي غلطتي فيا.. ثانيًا أنا ليا أصحاب كتير أنفلونسرز وأشهر منك بمراحل، أخدوا الموضوع بهزار عادي، ده لأن فعلًا ديه مش شغلانتهم الأساسية.. ثالثًا لو أنت شايفة إن الممثل مش بينفع الناس، وإنتي بتنفعيهم، فده قلة فهم منك، وده مش هلومك عليه، عشان دي حاجات مينفعش نشتريها.. بنتولد بيها».
وأوضح محمود الليثي: "رابعًا كونك تقولي ده مكنش معاه 10 جنيه يركب مترو، وتتريقي على ده، فده مصدر فخر ليا، إني كنت أمل لشباب كتير أنهم يبدأوا من الصفر وينجحوا، ورحلة كفاح انبسطت إن الناس تعرفها.. خامسًا الفن ده مهنة زيه زي الطب والهندسة، ولو حضرتك بتقرأي في التاريخ، هتعرفي إنه موجود من يوم ما اتوجدت الحضارة وغير شعوب عملت ثورات، مش مرتبط بالكهرباء زي ما بتقولي".
يهمك أيضًا:
واختتم حديثه مع البلوجر مريم سيف: "أخيرًا لو الأستاذ محمود حميدة شاف كلامك ده، كان هيخليكي تعتذري للفن والفنانين كلهم، اللي بتقللي من دورهم، وكان هيفهمك إزاي تتكلمي بأسلوب راقي عن كده".
