نور عبد السلام: فخورة بمشاركتي في «لؤلؤ» وشكرًا لكل مَن دعّمني
أعربت المطربة الشابة نور عبد السلام والشهيرة بداليدا والتي تقدم الأداء الصوتي لمى عمر في مسلسل "لؤلؤ" عن سعادتها بنجاح العمل وردود الفعل الإيجابية حول موهبتها الغنائية وصوتها.
وقالت نور عبر صفحتها الرسمية بموقع التواصل الاجتماعي:"من الرائع أننا نكون في بلد عندها قدرة على إنتاج محتوى ترفيهي محترم جدًا.. مسلسل لؤلؤ فعلًا يخلينا كلنا فخورين بيه وبإنتاجه وبمخرجنا العزيز محمد سامي وبطلة العمل الممثلة الجميلة مي عمر اللي دايمًا مجتهدة وناجحة بأعمال متميزة وأدوار مختلفة».
وتابعت أن "مسلسل لؤلؤ بصراحة بينقل الإنتاج الدرامي في مصر لمنطقة تانية خالص وجديدة ومتميزة.. أنا كان ليه الشرف إن المخرج الكبير محمد سامي يقف جنبي ويشرفني بأني أغني في المسلسل لؤلؤ.. بصراحة أنا عاجزة عن شكره وإنه آمن بيا من أول يوم وآمن بصوتي وموهبتي إداني فرصة زي دي".
أضافت: "طول عمره معروف عنه إنه بيقف جنب المواهب ويساعدهم وكان ليه الشرف إنه يقف جنبي.. مسلسل لؤلؤ فرصة عمر مكنتش أحلم بيها وسعيدة جدًا إن ربنا كتبها لي ويارب دايمًا أكون عن حسن ظن الناس فيه وأكون دايمًا بقدم حاجة تضيف لأي عمل حتى لو حاجة صغيرة.. بشكر جدًا كل من وقف وهيقف جنبي عشان أحقق حلمي.
ومسلسل "لؤلؤ "بطولة مي عمر، أحمد زاهر، إدوارد، نرمين الفقي، محمد الشرنوبي، وسلوى عثمان، هيدي كرم، ونجلاء بدر، والمسلسل قصة مي عمر وسيناريو وحوار محمد مهران، إخراج محمد عبدالسلام.
