نشطاء يروون ذكرياتهم مع نتيجة الثانوية العامة

مع ظهور نتيجة الثانوية العامة وفرحة الأهالي بمجموع أولادهم وتصدر هاشتاج "ثانوية عامة" تريند "تويتر"، روى الكثير من رواد مواقع التواصل الاجتماعي ذكرياتهم مع نتيجة الثانوية العامة.

غردت سالي حسين: "أعزائي طلبة الثانوية العامة، اللي بيتم التحفيل عليهم حاليا وحاسين إنها نهاية العالم لأن مجموعهم مش قد كده، بالهداوة يمكن دي تبقى بداية ليكم أنا مجموعي مدخلنيش غير حقوق وكان نفسي في طب وأنا دلوقتي مبسوطة بوظيفتي وكدة أو كدة بخدم الناس".

ودون خالد بعومي: "متى سينتهي وجع القلب والسكر وجميع الأمراض المزمنة للأهالي من كابوس الثانوية العامة.. أتمنى إيجاد حلول من المختصين لتطوير المعاهد المختصة الفنية.. منها سنخلق كوادر أيدي عاملة.. أنا بقالي 10 سنين شغال مهندس ومش بحب شغلانة عشان والدي شاف بس مجموعي عالي وقرر يدخلني هندسة".

وقال أحمد سليم: "اللي له نصيب في حاجة هيدخلها يا شباب والله نفس اليوم ده من 6 سنين أنا جبت 380 وقولت مش هلحق غير حاسبات وسبحان الله السنة دي هندسة خدت من 379 ودخلت هندسة واتخرجت منها وخدت شهادة وعارف إني مش هشتغل بيها محدش يزعل على حاجة الثانوية والمجموع والكلية كل دي شكليات".

وغرد خالد سامح، أحد رواد موقع "تويتر" قائلًا: "كأن اليوم بيتعاد من 8 سنين بنفس تفاصيله وكوابيسه يارب كل ناس تفرح وتبقى راضية بنتيجتها".

واعتمد الدكتور طارق شوقي، وزير التربية والتعليم والتعليم الفني، اليوم الثلاثاء، نتيجة الثانوية العامة للعام الدراسي 2019-2020. ومن المنتظر عقد امتحانات الدور الثاني لطلاب الثانوية العامة في 22 أغسطس، وفق الضوابط والإجراءات الاحترازية التي تم اتباعها في الدور الأول، حيث يتم توفير التعقيم اللازم للجان وأدوات التطهير، والكمامات وكل ما يحتاج إليه الطالب، في ظل الضوابط التي أعلنها مجلس الوزراء لمواجهة فيروس كورونا المستجد.