حسام داغر يطلب الدعاء لوالدته بعد تعرضها لأزمة قلبية
شارك الفنان حسام داغر، جمهوره ومتابعيه، عبر صفحته الرسمية بموقع "إنستجرام"، صورة لوالدته؛ طالبا الدعاء لها بعد تعرضها لأزمة قلبية أمس، ودخولها أحد المستشفيات بمدينة السادس من أكتوبر.
وعلق "داغر" على الصورة، قائلًا: "يارب ما حيلتيش غير الدعاء ليكي، من امبارح بايت في الشارع قدام المستشفي وبدعي وحاسس إن ربنا سامعني، الدكاترة بيقولوا إنهم بيعملوا إلى يقدروا عليه خصوصًا بعد توقف عضلة القلب الصبح، ورجعتي تاني حتي في عدم وجود الضغط، وقالوا إن زي ما أنا وأخواتي متمسكين بيها هي كمان متمسكة بينا وفي الحياة، وطلب مني أدعي لأنها بين الحياة والموت".
وأضاف: "وحياة أغلى ما عندكم اللي يقدر يدعي يدعي. الدعاء بيغير القدر زي المرة اللي فاتت كانت اتحسنت شوية، وفاقت من الغيبوبة وبصت وضحكتلنا وعرفتنا، أستحلفكم بالله الدعاء ودي آخر مرة أطلب فيها حاجة من أي حد، يارب يارب شوفوا ضحكتها زي الأطفال إزاي يا رب يا رب خليك جمبي".
يُذكر أن حسام داغر يُعرض له فيلم "الطيب والشرس واللعوب"، والذي طرُح بدور العرض السينمائي في أكتوبر الماضي، الفيلم بطولة مي كساب وبيومي فؤاد ومحمد سلام وأحمد فتحي وطارق الإبياري وعمرو وهبة وشادي ألفونس، وياسر الطوبجي، قصة وسيناريو وحوار رأفت رضا ومن إخراج رامي رزق الله.
