ريهام سعيد لمروان يونس: "يا خسارة على النخوة والرجولة"

انتقدت الإعلامية ريهام سعيد، تصريحات الإعلامي مروان يونس، والذي سخر من إحدى حلقات برنامجه قائلًا: "إن شاء الله تعرضيها وأنتي في السجن".

وقالت ريهام عبر صفحتها الشخصية بموقع "إنستجرام": "أول مرة اشوف الخبر ده دلوقتي.. بعيدا عن إن في ناس ماتفرجتش على الحلقة ولا عرفت إني قعدت أعيد الكلام اللي اتقال في التقرير من الناس مرضى السمنة اللي فوق الـ20 كيلو.. اللي كنت بعالجهم في نفس الحلقة بجراحات حتى لو أنا قلت كلمتين تقال عشان خايفة على الناس.. أو حتى لو في ناس اعتبرت إني أساءت التعبير.. ده ايه ده. ده المفروض زميل؟ لا معلش ده المفروض راجل.. واحد يتمنى السجن لأم لتلات أولاد؟ إنت تعرف إيه هو السجن؟ والله ما قادره أصدق أخلاقك ولا تربيتك. يا خسارة على النخوة والرجولة".

وأضافت: "هزر واضحك الناس يا أبو قلب أسود.. حسبي الله ونعم الوكيل.. الدنيا دوارة يا بهلوان.. اللي بتتكلم عليها دي عملت حاجات وحلقات إنت ماتعرفش تعمل ربعها.. السجن ده للي زيك اللي ملوش لازمة ووجوده زي عدمه.. الإعلام اللي انت عايزه اللي كله تريقة على الفساتين وعلى خلق الله يا هايف. إعلام إيه. إيش فهمك انت في الإعلام. ما هو الغلط مش عليك.. ما هي اتذكرت في القرآن. الآية اتقلبت".