حنان مطاوع: بعشق العالم الروحانى وبحب الشغل مع عمرو محمود ياسين
عبّرت الفنانة حنان مطاوع عن سعادتها الشديدة بالعمل مع الكاتب عمرو محمود ياسين في مسلسل "قسمتي ونصيبك 2".
وقالت "مطاوع" أثناء استضافتها في برنامج "معكم منى الشاذلي": مبسوطة أوي بالشغل مع عمرو لأنه صديقي وجوز صاحبتي الأنتيم آيات أباظة وهو قلمه خاص وغني وطول الوقت بيبحث.. وعجبتني الحدوتة لإني معملتش حاجة زي دي قبل كده.. وكان طول عمري بحلم بحاجة فيها رعب وفيها كم الروحانيات دي".
وتابعت: "أنا بعشق العالم الروحاني ده والعلاقة بين الإنسان وربنا اللي فيها حب أكتر من طقوس العبادة مع تتويجها بالطقوس طبعا.. القصة فيها مناجاة حقيقية وفيها حالة وصل بين العبد وربه، ودي حالة قليلة في الدراما ماشوفتهاش من ساعة رابعة العدوية".
