شرقاويات: دكتور فتحى الشرقاوى يكتب: «عن المراقبين»

في بعض الناس..
ما لهمش أي دور في الحياة..
غير إنهم يفرحوا في مصايبك..
وعلى طول متابعين خطواتك..
وحطينك طول الوقت..
تحت عنيهم وفي دماغهم..
عاوز أنصحك نصيحة..
لو لقيت حد.. من الناس دي..
مركز معاك بالشكل ده..
عاوزك باستمرار تحرق دمه..
هاتقولي إزاي.. أقولك بسيطة..
قدامي طريقتين..
* الأولى..
أوعى تبان قدامه خالص..
إنك مهموم أو مكسور أو ضعيف..
وماتدلوش فرصة يفرح ويتشفى فيك.
اقطع على أمه الطريق..
لأن كل حزنك ما زاد..
كل ما سعادته زادت.. والعكس صحيح. 
* الثانية..
خليك معاه كتاب مبهم ومغلق..
ماتتكلمش عن نفسك قدامه..
بالطريقة دي وبعد فترة..
صدقوني مش طويلة..
هتلاقوه اتخنق.. لوحده..

لأن غذاء حياته قايم على المعلومات
اللي أنت قطعتها عنه.
أي خدمة