بالفيديو.. السيسي: "في مطارات بتتعمل بقالها سنة بس ما بنقولش عشان الشر وأهله"

أكد الرئيس عبد الفتاح السيسي، أنه حريص على إحداث التنمية، ليس في منطقة بعينها فقط، وإنما في مناطق عديدة.

وأضاف السيسي، خلال كلمته بحفل إعطاء إشارة البدء في تنفيذ مشروع ميناء شرق بورسعيد، أن هناك أراضٍ تم استصلاحها وآبار تم حفرها، ومبانٍ ووحدات سكنية سيتم افتتاحها خلال أيام.

ووجه الرئيس رسالة للإعلام، قال: "ازرعوا الأمل في نفوس الناس، لأن إحنا حريصين بكل ما أوتينا من قوة إننا نخدم البلد دي، واتكلموا على شبكة الطرق اللي بتربط بين القاهرة والمحافظات"، مشيرًا إلى أن مشروع الـ 5 آلاف كيلو تم الانتهاء من المرحلة الأولى منه، والبدء في المرحلة التانية.

وتابع الرئيس: "في حاجات بتتعمل مش برضى أقولها علشان الشر وأهله، في مطارات بتتعمل بقالها سنة مش مطار ولا اتنين ولا تلاتة، علشان تبقى بنية حقيقية لدولة بتحترم نفسها".