الرئيس السيسى عن قانون الأحوال الشخصية: «متوازن وموضوعى»

تحدث الرئيس عبدالفتاح السيسي، عن قانون الأحوال الشخصية وعلاقته بإنشاء علاقة أسرية سوية متكاملة الأطراف لصالح الأبناء.

وقال الرئيس السيسي، خلال كلمته في احتفالية المرأة المصرية والأم المثالية لعام 2023، بحضور قرينته السيدة انتصار السيسي: "فعلًا إحنا كلنا حريصين إن قانون الأحوال الشخصية يكون متوازن وموضوعي جدًا وبعيد النظر": معلقًا: "محدش له مصلحة إننا نعمل غير كدا متفتكروش في البرلمان إن هيبقى الصوت ضد الموضوعية والتوازن، وإحنا هدفنا في الآخر حماية الأسرة والأبناء والبنات".

وتابع: "دي قاعدة عامة لازم تنتبهوا ليها وبأكدها، ثم إحنا قولنا هنعمل نقاش مجتمعي كبير أوي عشان نطمنكوا إن الموضوع يخرج بشكل متوازن، بس عايز أقولكوا على حاجة كل صاحب قضية هيبقى له وجهة نظر خاصة بيه هو حسب حالته، يعني النهارده لو أنا عندي مشكلة صعب أكون موضوعي ومتوازن مع نفسي، صعب مش هقول مستحيل، ولكن صعب إن الإنسان يكون متوازن وموضوعي في قضية خاصة بيه، وبالتالي لما بيتكلم عنها بيدافع عن موقفه بشدة".