صفوة: لوسى راقصة محترمة.. والعرى يكبر من قيمة الفنانة

تحدثت الفنانة صفوة عن مهنة الرقص ونظرة الناس والمجتمع للراقصات وكيف تقدره البلاد الأجنبية.

وأضافت صفوة، خلال لقائها في تصريحات تلفزيونية: “دلوقتي مين الناس الكويسة، اللي احنا بنحترمهم، وهنفضل نحترمهم في زمن الفن الجميل، زي دنيا، لوسي، فيفي عبده، وأنا بعترف إن دول فنانات راقصات إلى أبعد الحدود محترمات، وهم فوق دماغي”.

واستكملت صفوة حديثها: "من 10 أو 8 سنين فاتوا، ظهر عدد من الراقصات زي، صافينار، وكل ما العري ما بقى أكبر، كل ما الفنان بقى أكبر، والفنانات والراقصات المحترمات اللي بكلمك عليهم، بقى شغلهم أقل بكتير، أي بلد أجنبي، بيقدروا الرقص الشرقي جدًا، وأنا مش مكسوفة من لقب راقصة، لكن مهنة الرقص مافيش حد بيقدرها بالتقدير المناسب لها، ولازم الناس يكون الوعي بتاعها غير.

وتابعت صفوة: "أنا كنت من جيل دينا وفيفي عبده، ولكن بعد ما بقيت مهنة كل ما العري أكتر كل ما كانت الفنانة أكبر، والفنانات المحترمات زي دينا وفيفي فين دلوقتي شغلهم أقل بعد ظهور راقصات من جنسيات مختلفة زي صافينار ولوردينا، مشيرة إلى أن دول السوبر ستار دلوقتي".

وأضافت صفوة متحدثة عن مهنة الرقص، قائلة: “أنا مش مكسوفة من مهنة الرقص، ولكن المهنة محدش بيقدرها التقدير اللي المفروض تقدره في وقتنا الحالي، ومحدش عارف ده بيتقدر وبيدفع فيه كتير برة ازاي”.