«لما بيوحشنى».. رامى صبرى يطرح ثالث أغانى ألبومه الجديد (فيديو)

طرح الفنان رامي صبري، اليوم الثلاثاء، أحدث أعماله الغنائية "لما بيوحشني"، عبر قناته الرسمية على موقع الفيديوهات يوتيوب.

والأغنية من كلمات أحمد علي موسى وألحان رامي صبري وتوزيع طارق توكل وجيتار أحمد حسين وموشين جرافيك إيهاب مجدي.

وتقول كلمات الأغنية:

لما بيوحشني بطلع صورته وأكلم فيه

وأسأله عن حاله وعن أحواله وعامل إيه

وبقوله وحشتني جدًا .. وفرقت معايا وفعلًا مش قادر ع الشوق ولا عارف حتى أخبيه

يا ع الدنيا لما تفكر تعاندنا ليه على غفلة..

عن أغلى الناس تبعدنا ليه وفي ثانية تاخد مننا حبايبنا يا ع الدنيا.

وتعدي ساعات وأنا ماسك صورته وبحكي معاه

ما هو أكتر واحد أنا بعرف أفضفض وياه

كان أكتر قلب فاهمني كان دايمًا بيطمني وعشان كدا أنا مش ممكن أنساه..

يا ع الدنيا لما تفكر تعاندنا ليه على غفله ..

عن أغلى الناس تبعدنا ليه وفي ثانية تاخد مننا حبايبنا يا ع الدنيا.

ويتبقى لرامي صبري عدة أغانٍ سيتم طرحها قريبًا وهي: 

• الأغنية الرابعة "إحنا في حتة تانية" كلمات محمد القياتي وألحان رامي صبري وتوزيع مكس وماستر طارق توكل وتطرح يوم ٢٩ ديسمبر. 
• الأغنية الخامسة: "حبينا " من كلمات  تامر حسين وألحان مدين وتوزيع مكس وماستر طارق توكل وسيتم طرحها  ٣١ ديسمبر.
• الأغنية السادسة: "أنت الأصل" كلمات تامر حسين وألحان عزيز الشافعي وتوزيع مكس وماستر تميم وتطرح يوم ٢ يناير 2023. 
• الأغنية السابعة: "بتفتكرني ساعات" كلمات تامر حسين وألحان أحمد حسين وتوزيع مكس وماستر طارق توكل وتطرح يوم ٤ يناير 2023.
• الأغنية الأخيرة في الألبوم: "فاكر نفسك هدية " كلمات أحمد علي موسى وألحان مدين وتوزيع مكس وماستر جلال حمداوي ويتم طرحها ٦ يناير،  وتم تصوير الفوتوغرافي للألبوم في لبنان مع المصور محمود عبدالسلام.