سينتيا خليفة: رئاسة حسين فهمي لـ «القاهرة السينمائى» أسعدتنى.. واهتم بفعاليات المهرجان

أعربت الفنانة سينتيا خليفة عن بالغ سعادتها لحضورها مهرجان القاهرة السينمائي في دورته الـ ٤٤، برئاسة الفنان الكبير حسين فهمي، قائلًة: "مبسوطة أن العظيم حسين فهمي هو رئيس هذه الدورة وفخورة بهذا كثيرا".

وأكدت خليفة في تصريحات خاصة لـ"الدستور" أنها تهتم كثيرا بحضور الأفلام المعروضة في هذه الدورة من مهرجان القاهرة السينمائي في دورته الـ ٤٤، وتحاول بقدر الإمكان حضور كافة الفعاليات أيضا.

قواعد الدخول للمهرجان 

سبق أن تحدث الفنان حسين فهمي، عن الدريس كود الخاص بحضور الفنانين، وقال، أثناء كلمته في المؤتمر الصحفي لمهرجان القاهرة السينمائي بدورته الـ 44 ممازحًا الحضور: اللي هيخالف الدريس كود هيتحبس، الرجالة زي الستات، أنا كل اللي بطلبه إن الناس تيجي لابسة شيك، الرجالة بتلبس دايمًا في المهرجانات الدولية الدرجة الأولى، بدلة سموكن، أنا بطلب الناس كلها تيجي لابسه ده.

واستكمل عن الشروط التي وضعها لـ دريس كود الفنانات لحضور المهرجان، قائلًا: بطلب من السيدات إنها تلبس اللبس اللي إحنا بنشوفه في كل المهرجانات الدولية اللي هي درجة أولى، ميبقاش فيه مبالغة، ده كل اللي بطلبه.

كما سبق أن كشف حسين فهمي شروط حضور الفنانين والفنانات مهرجان القاهرة السينمائي بدورته الـ 44، وذلك من خلال فيديو نشرته قناة المهرجان عبر موقع يوتيوب، قائلًا: إحنا مهرجان دولي درجة أولى، ولما جيت المهرجان لقيت إن كل واحد يلبس اللي هو عاوزه، عيب، أنا هلبس كويس والناس تلبس لطيف والنساء تلبس كويس، المسألة تطورت أكثر مما أتخيل، مستكملًا: مسألة اللبس تطورت فوق ما كنت أتخيل، وبقى وريني يا حبيبتي الفستان طب لفي كده، اسمه إيه الكوافير، مش ده المهرجان، كلنا لازم نبقى لابسين الدريس كود بتاع كل المهرجانات الدولية، الناس هتلبس كويس وهتبقى شيك وهيبان إنه مهرجان قيم جدًا.