«عادل إمام طردني ونفسي أشتغل مع تامر حسني».. أبرز تصريحات رضا حامد عقب تصدره التريند
تصدر الفنان رضا حامد محركات البحث على جوجل، بعد تصريحاته في أحد البرامج التليفزيونية.
وترصد «الدستور» أبرز تصريحات رضا حامد التي تصدر بها التريند.
تطرق الفنان رضا حامد خلال حديثه عن ذكرياته مع الزعيم عادل إمام، فهو صاحب الفضل عليه في المجال الفني، وأنه تعاون معه في أعماله الفنية لمدة تسع سنوات، مُضيفًا: «لا أنسى له موقف أنه مسك كتافي كده، وقالي ياض يا رضا، أنت ممثل جامد أو ي، فدي حاجة من الحاجات اللي أنا مش ناسيهاله، لازم أصحح وأفهم الناس إن عادل إمام ده تاريخ كبير، ربنا يعفو عنه إذا كانت ظروفه الصحية مش كويسة».
وقال الفنان رضا حامد، أثناء دعائه للزعيم عادل إمام خلال استضافته في أحد البرامج: «اشتغلت معاه 9 سنين، وناس نقلت له كلام غلط عني؛ فطردني».
وقال رضا حامد خلال تصريحاته إن ابنه ساعده في العودة إلى الساحة الفنية من جديد، لكنه لم ينجح في ذلك.
وأضاف: «فوجئت إنه كلم عبد الرحيم كمال على صفحته، فقاله بابا رضا حامد، فالحقيقة هو كلمه ورد عليه، لأن غالبا الناس دي أي حد بيكلمهم مبيردوش، فهو رد الحمد لله، وقاله لا باباك ده نجم كبير وحاجة محترمة وفنان كبير، وإن شاء الله يكون معانا، وده اللي حصل يعني».
وتحدث الفنان رضا حامد أيضًا عن الممثل تامر حسنى، قائلا: «دوري في عمر وسلمي صغير جدًا وأقل دور ليا ومش مميز، ومقدرش أهاجم تامر حسني وبطلب منه يشغلني معاه».
