أتجوز قرد ولا ارجع لحسام حبيب.. 15 تصريحًا مثيرًا للجدل لشيرين عبدالوهاب
خرجت الفنانة شيرين عبد الوهاب للحديث عن أسرار حياتها الشخصية مع الفنان حسام حبيب خلال لقائها مع الإعلامية لميس الحديدي.
تصريحات شيرين عبد الوهاب
1 – حسام حبيب هو السبب في إني أحلق شعري بسبب إنه كان عايز يجبرني على النزول بقميص النوم خلال تواجدنا في أحد الفنادق.
2- أسسنا شركة مساهمة كان هو رئيس مجلس إدارتها، وكانت محاولة نقرب تاني من بعض بس مرجعناش.
3 - مخلفتش منه عشان ربنا يحميني منه.
4 - عملتله محضر بعدم التعرض ليا ولبناتي، وهو إنسان خطر وأدعو الناس إنهم يتبولوا عليه لما يشوفوه.
5 – أتجوز قرد أو فيل من حديقة الحيوان أفضل من إني أعيش معاه.
6 - دفعت فلوس الشقة اللي أهل حسام حبيب قاعدين فيها وحسام مخدش مني فلوس في إيده فكنت بدي حقه لأمه.
7 - أنا متأذتش من حد في حياتي زي ما شفت من حسام حبيب، وكان شخص أسود من جواه.
8 - جبت عربية وكتبتها باسمه راح باعت ناس تسرقها من قدام بيتي، وكان عايز يعملي محضر إني سرقت العربية.
9 - كنت شبه البدر بقيت شبه حسن أبو السعود بعد ما عرفته.
10 - عندي فيلم وأغاني جديدة وهكسر الدنيا الفترة اللي جاية وفي أغنية بعد 10 أيام.
11 - لازم أروح أتعالج من أثاره السلبية عليا.
12 - سارة الطباخ ربنا ياخدها وهي من أسباب المشاكل.
13 - سرقني وبكرهه وهو شخص أسود.
14 - أنا من القلعة ولو فكر يؤذيني هروح أولع في بيته.
15 - عشت أسوأ أيام حياتي مع حسام حبيب ورسالتي لكل الناس إنهم يختاروا صح.
