نفت عودتها لحسام حبيب وتستعد لمشروع فنى وغنائى جديد.. نص حوار الجمهور مع شيرين
تحرص دائمًا النجمة شيرين عبدالوهاب على التواصل مع جمهورها عبر حساباتها الشخصية بمواقع التواصل الاجتماعي المختلفة من حين لآخر، وتفاعلت شيرين، أمس، عبر خاصية «ستوري» بموقع الصور والفيديوهات الشهير «إنستجرام» مع جمهورها، وفتحت باب الأسئلة وأجابت على عدد كبير من متابعيها بكل تلقائية، وكشفت العديد من التفاصيل التي تهم عشاقها في مصر والوطن العربي.
وجاء نص أسئلة وحوار الجمهور مع شيرين عبدالوهاب كالتالي:
- انتى حقيقى رجعتى لحسام ؟
أساس الزواج والطلاق الإشهار ولو كنت رجعت كنت هقول.
- متى تنزلين ألبوم جديد؟
هنزل أغاني سنجل الفترة الجاية وكل فترة هنزل مجموعة أغاني.
- ليه مفيش حفلات فى مصر زى زمان؟
إن شاء الله في شهر 8
- إزاى دخلتى مشوارك الفنى؟
عن طريق جيران لينا زمان هما اللي عرفوني بأول شخص ليه علاقة بالوسط الفني.
- صفة مابتحبيها فى حالك؟
التسرع.
- عندك حفلات إيه الفترة اللى جاية؟
ختام مهرجان قرطاج إن شاء الله.
- كم ثروتك؟
الثروة بالنسبة ليا هي الحب والانتشار اللي وصلتلها، ودي حاجة ماقدرش أعدها مهما كانت الفلوس دي بتروح وتيجي.
- عندك كام سنة؟
مواليد 1980 وقالت ساخرة: "بس أنا وقفت عند الـ35".
- مفيش أغنية حزينة قريب؟
في واحدة هتخلص عليك خالص من ألحان تامر عاشور.
- حضرتى حفلة مرة لفنان مع الجمهور من غير ما يعرفوا؟
حفلة لسميرة سعيد في العين السخنة.
- أكتر أغنية بتحبيها لفيروز؟
عندي ثقة فيك.
- لو طلعلك مصباح علاء الدين إيه الأمنية اللى هتتمنيها؟
أعيش على جزيرة أنا وبناتي وأمي وبس.
- ندمتى إنك بقيتى مطربة؟
الندم كلمة كبيرة أوي، بس راجعت نفسي قبل كده، بس أنا بحب الغنا زي روحي، ما قدرش أعيش من غير غنا.
- فيه مشروع درامى أو فيلم؟
أه طبعا.
- مفيش أمل ترجعى ذا فويس؟
الله أعلم.
