على طريقة أفلام السينما.. كواليس مهرجان حمو بيكا الجديد
يستعد مؤدي المهرجانات حمو بيكا لطرح مهرجان جديد خلال الأيام القليلة المقبلة يحمل اسم «كل الجيهات خصمت».
ومن المقرر أن يطرح حمو المهرجان على طريقة الفيديو كليب حيث انتهى من تصويره خلال الأيام المقبلة، على أن يتم طرح البرومو الدعائي للمهرجان مساء غد الجمعة، ويظهر بيكا في الفيديو كليب على طريقة الأفلام السينمائية.
حمو بيكا يحاول تقنين أوضاعه بنقابة الموسيقيين
وكان قال مؤدي المهرجانات حمو بيكا، إن أي شخص يمنعه عن «لقمة»عيشه فإنه يقوم بالحسبنة والدعاء عليه، مضيفًا: "إنتوا شيفنا حشرات".
ووجه رسالة للفنان هاني شاكر، نقيب الموسيقيين، خلال لقائه الأخير ببرنامج "حبر سري" والذي عرض في شهر رمضان الماضي مع الإعلامية أسما إبراهيم، والمذاع عبر فضائية "القاهرة والناس"، قائلًا: "يا أستاذ هاني اعتبرنا ولادك وقدرنا، ربنا خلق السماح والرحمة وهو اللي هيحاسب الكون، ولو اتمنعنا هاحسبن ربنا في كل حد وقف في طريقي وهاموت نفسي لأنني لن ينفع أن أعيش مرة أخرى ولا يوجد شيء أبكي عليه، حرام أنا تعبت خمس سنين بعاني وبعافر وهم يرون أننا مبسوطين وفرحانين لا إنتوا اللي مبسوطين ومعاكم، لكن عمرنا ما نظرنا لكم".
وأضاف: "أنا راجل من منطقة شعبية وأبويا كان على باب الله ويمكن ربنا وضعني في الحتة دي علشان أشيل أبويا وأقوله كتر خيرك، كنا عايشين في أوضة وصالة وأنت كنت عايش في قصر وبتأكل وتشرب، راعي الناس الغلابة وسبنا نشم نفسنا، عايز تكتم نفسنا ليه، أنت عشت وعندك قصور وفيلل سبنا في حالنا، سبونا أنا تعبت واشتكي لربنا عملت عمرتين فضلت أدعي على الناس دي كفاية أنا تعبت".
وتابع: "بتقول لو أنا في يدي كنت منعت عنهم الغناء في الخارج، ربنا ماقالش إن أنت اللي تمنع وأنت هتتحاسب عليا وربنا هيسأله أنه منع أكل عيشي لأن الدنيا ليست دائمة للبشر وهو لا يشعرني إنه يأكلني ويشربني أنا عايش مثل الميت".
وأردف: "5 سنين وربنا في ضهري، وربنا قادر في يوم وليلة يغير الكون كله وأنا مش مسامحهم لحد يوم الدين ولا عمري هاسمحهم ووالدتي بتدعي عليهم كل يوم، وعارف إن بعد البرنامج هايتعملي قضايا ولكن مش خايف مش هايكتم نفسي كفاية كدب على نفسنا وهو كل مرة يطلع يجرح فينا".
