الكبير أوي 6 الحلقة 29.. الكبير لـ شرين رضا: «قوليلى يا كوكو»
بعد غياب 7 سنوات، واصل مسلسل الكبير أوي 6 جذب المشاهدين بسياق كوميدي متميز لينجح العمل في تصدر «التريند» عبر محركات البحث ومواقع التواصل الاجتماعي، سواء بمواقف الأبطال وعائلة الكبير أوي، أو الضيوف الذين يحلون على المسلسل.
وبدأت أحداث الحلقة 29 من مسلسل الكبير أوي 6، بالعديد من التفاصيل الكوميدية حول مهرجان المزاريطة الدولي، وحضور عدد من الفنانين.
وخلال الحلقة يقوم الكبير باصطحاب شيرين رضا في المهرجان قائلاً: «نورك ملعلط يا أستاذه شيبه، لترد شرين رضا: «لا لا متقوليش كدا»، ليتابع: «فهمتك أن أقولك شيبه علي طول وإنتي تقولي ليا يا كوكو»، لترد: «لا مش هقولك يا كوكو»، ليعقب: «لا هتقولي ياكوكو بس نقعد علي البار الأول ونتكلم وبعدين هتقولي»، لترد: «هو في بار هنا»، ليعقب: «أه في بر أمو خيتوا، ياواد عايزين الويلكم درينك شوتين من الآخر».
للتابع: «شوتين ايه»، ليعقب: «شويتين عناب عشان ننسوا العذاب»، لتعقب: «لا العناب يجيب لي هبوط، ليرد: «يبقي نعلوا شوتين خروب علشان نخربوا الدنيا..».
وتقفش مربوحة الكبير مع شيرين رضا وتتدخل قائلة: «انت بتعمل ايه؟»، ليرد: «بلعب تنس»، لتعقب: «تنس فاكرني جهله لا لبس جافزات ولا حتي زعانف»، لتعقب شرين رضا: «مين دي»، ليرد: «دي المدام»، ليرد: «ايه إلا جايبك ياوليه»، لتتابع: «الدكتور ربيع عايزك».
ويعرض مسلسل «الكبير أوى 6» فى تمام الساعة 6:20 مساء، على أن يعاد فى تمام الساعة 1:50 بعد منتصف الليل و2:00 مساء اليوم التالي، ويعرض حصرياً على قناتى ON وON دراما ومنصة Watch it الرقمية.
