كوكتيل رومانسي كوميدي لـ تامر حسني وهنا الزاهد في «بحبك» (صور)
كشف النجم تامر حسني عن تفاصيل فيلمه الجديد “بحبك”، المقرر عرضه خلال الأشهر القادمة في تجربة جديدة تجميع بين الكوميديا والطابع الرومانسي بمشاركة النجمة هنا الزاهد.
وكتب تامر عبر صفحته الرسمية على موقع التواصل الاجتماعي “فيس بوك”: “مساء الهنا على أغلى ناس على قلبي.. أنا دي صور من أول يومين تصوير لفيلمنا الجديد ( بحبك ) طبعاً في ناس هتقرا اسم الفيلم بحبِك و ناس هتقراه بحبَك دا طبعاً مقصود عشان في دراما الفيلم هنبحث طول الوقت عن مدى صدق كلمة بحبِك من الرجل للأنثى و بحبَك من الأنثى للرجل في احداث فعلاً محيره جداً”.
وتابع: “الفيلم اكيد فيه ضحك بس في إطار رومانسي بحت مش موجود بقاله كتير اتشرفت بمشاركة نجمة اليوم و المستقبل الجميله هنا الزاهد و مبسوط اني اول من اكتشفها في بداية حياتها و في الفيلم دا بكتشفها تاني و بقدمها بشكل جديد عليها وعليكم ومبسوط جداً لمشاركة حبيب قلبي نجم الكوميديا الكبير حمدي المرغني اللي هيعمل ان شاء الله شغل رهيب في الفيلم كعادته الجميله وللأسف لسه مصورش علشان انزل صوره بس في اول يوم تصوير له ههريه صور".
وأضاف: "وانتظروا بعد ايام انضمام نجمه جميله مميزه من نجوم المستقبل اللي هيكون ليها مستقبل كبير ان شاء الله ، و فرحان جداً بإنضمام الفنان الموهوب اوي مدحت إسماعيل اللي عامل دور زي العسل وربنا يكتبله فيه كل النجاح و يكرمه و يكرمنا معاه - الفيلم من انتاج حبايب قلبي و اصدقاء العمر … سينرچي احمد بدوي - تي ايتش برودكشن حسام حسني - سكاي ليميت أحمد الدسوقي”.
ومن المقرر أن يستكمل الفنان تامر حسني جلسات تصوير العمل خلال الأيام القادمة استعدادًا لعرضه في موسم عيد الفطر القادم.
