ميار الببلاوي ترد على منتقدي منشور كسر أصابع قدمها
ردت الفنانة المعتزلة ميار الببلاوي على الانتقادات التي وجهت لها عبر حسابها الشخصي على موقع التواصل الاجتماعي "فيسبوك"، بعد الهجوم الذي تعرضت له بسبب نشر صور إصابتها في كسر بأربعة أصابع في قدمها بعد سقوط «ضلفة الدولاب» عليها.
وكتبت الببلاوي في ردها عبر "فيسبوك"" اللي باعتين لي بيقولوا إنتي كل حاجة تهوليها.. إيه يعني ضلفة دولاب، طيب دي ضلفة الدولاب أداة الجريمة.. أمي بتحب الخشب الأرو والأوض العمولة وبتعتز جدا بيها وبتقول دي بتعيش وملهاش دعوة الموديل اتغير ولا لا المهم ضلفة الدولاب محدش يقدر يشيلها ولا الأدراج ولا حتى ملة السرير والله.. ده النجار بيجيب البواب وواحد كمان علشان يشيلوها".
وأضافت، "أنا مبدعيش أنا تعبت من نومة السرير بقالى شهور كل ما قوم يوم أنام شهر مش قادرة أتحرك اللى يعرفنى يعرف إني أكتف جدا والله نفسي أقوم علشان أمي وابني ومحدش بيخدم حد ومحدش بيستحمل حد يارب ما تحوجنى يارب رضيت بقضائك بس لا أسالك رد القضاء ولكنى أسالك اللطف فيه، ويا شمتانين أنا مبأذيش حد ولا بغضب ربنا لأى سبب وشماتتكم فيا ربنا عالم بيها حسبى الله ونعم الوكيل".
جاء ذلك بعد ساعات بعد أن نشرت الفنانة ميار الببلاوي، عبر حسابها الشخصي على موقع التواصل الاجتماعي "فيسبوك" مجموعة من الصور الجديدة بعد تعرضها لإصابة شديدة في قدمها، مما تسبب في إجرئها عملية جراحية عاجلة.
وعلقت ميار على صور الإصابة التي نشرتها وقالت: “آسفة لبشاعة المنظر وعارفة انكوا زهقتوا مني، بس والله ماعارفه أقول إيه غير يارب الصبر من عندك.. بفتح ضرفة الدولاب الصبح وقعت على رجلي كسرتلي أربع صوابع وصابعي الكبير تهتك تمامًا، وعملت عملية شالولي الضافر، دي رجلي الشمال، اليمين كسر مضاعف والصباع الكبير شكله صعب جدًا، بس الحمد لله متكسرش".
واختتمت منشورها عبر فيس بوك: "ربنا عالم بيا، الوجع بتاع شيل الضافر مع الكسر فوق احتمال البشر، مكسوفة أقول إدعولي بس هطلب منكم الدعاء، وأنا عارفة إنكم زهقتوا مني بس دا قضاء ربنا، اللهم لا اعتراض".
