شكرًا لـ بدرية طلبة.. إنتي بـ 100راجل
فنان شاب يعتذر لـ شريف دسوقي: «حقك عليا.. إنت مسؤول مني لحد ما أموت»
كشف الفنان مصطفي درويش تفاصيل الأزمة الصحية للفنان شريف دسوقي وتطورات ماحدث له خلال الساعات الأخيرة: "اللّي حصل لشريف دسوقي ده حرام، حسبي الله ونعم الوكيل في اللي كان السبب لو كان حد وقف من النقابة قبل ما يتعمل فيه الكارثة دي كان اتلحق".
مصطفي درويش يعتذر لـ شريف دسوقي
أضاف درويش، في منشور عبر حسابه بموقع التواصل الاجتماعي فيسبوك": "للأسف النقابة قالت لبدرية طلبة لما استنجدت بيهم أصله مش عضو فمش هينفع نساعده من النقابة بس هنبقي نبعتلك مساعدة شخصية، طبعًا كتر خيركم وده قانون وعلى رأسنا بس طب كنتم روحو هاتوه وقولوا لينا ما كل المنتجين والممثلين معاهم فلوس يا جدعان وكلنا هنساعده ومحدش هيتأخر حتى كنا شوفنا حل قبل ما تحصل فيه الكارثة دي ويقطعوا رجله".
وواصل منشوره: "يترمي في مستشفي أقل ما يقال عنها تحت السلم بجد اللي حصل ده حرام، حقك عليا يا شريف سامحني والله ما كنت أعرف إنك في الحالة دي حقك عليا والله وقدام الجميع أهو والله ما هسيبك لحد ما أموت إنت مسؤول مني مسئولية كاملة، حقك عليا وحقك علينا كلنا".
وأنهي درويش منشوره قائلاً: "الأستاذ جمال العدل اتكفل بمصاريف المستشفي والعلاج والأستاذة كاملة جابتله طرف صناعي من أحسن شركة للأطراف الصناعية، شكرًا لبدرية طلبه انتي بميت راجل إنتي وناس إسكندرية".
وتعرض شريف دسوقي منذ عدة أشهر لأزمة صحية حيث أصيب بمرض السكر وبسبب جرح في قدمه أصيب بغرغرينا في القدم وبعد تفاقمها تم بتر قدمه من أسفل الركبة وهو يمكث حاليًا في منزل شقيقه بالإسكندرية ويستعد للتأهيل النفسي، وسيتم تركيب الطرف الصناعي.
