«عشان شقة وميكروباص».. اعترافات المتهمين بـ«مذبحة المرج»

ينشر «الدستور» الاعترافات الكاملة للمتهمين في القضية المعروفة إعلاميا بـ«مذبحة المرج»، وذلك بالتزامن مع نظر محكمة جنايات شمال القاهرة اليوم السبت، محاكمة المتهمين في الواقعة. 

وتبين من التحقيقات قيام المتهمين الثلاثة الأم "إيمان. ز.م" 32 عامًا، والوالد "أحمد. ع. ع" 33 عامًا، وزوجة الأب "هالة. م. م" 50 عامًا أمام النيابة، وتكشف تفاصيل الجريمة المروعة التي راح ضحيتها الأطفال الثلاثة (مالك وجنى وطفل آخر حديث الولادة).

اعترافات الأم 

واعترفت المتهمة الأولى "إيمان" أمام النيابة بقتل أبنائها الثلاثة مع أبيهم وزوجته الأخرى، للتخلص من شكوك زوجها حول نسبهم له، بالإضافة إلى وعود زوجة الأب بتحسين حياتهم المادية.

وحول موافقتها على ارتكاب الجريمة قالت: قال لي: لو اتخلصنا من العيال هالة المتهمة الثانية، هاتكتب لي شقتها اللي في الزاوية الحمراء وتشتري لي ميكروباص، وانتي تخلصي من جو الشك لأني شاكك إن دول مش عيالي، وتثبتي لي إنك باقية عليا"، واستكملت: "بعدها جابوا طبق بلاستك كبير لونه لبني وكان فيه مياه وموتنا فيه العيال، وبعدما فطستهم حطيت عليهم "بوتاس" علشان الجثث تسيح والشكل يتغير وملامحها تختفي، وأحمد وهالة هما اللي قالوا على الفكرة دي".

اعترافات الأب 

اعترف المتهم "أحمد.ع.ع" أمام النيابة بتخطيطه مع زوجته الأولى لارتكاب الجريمة والتخلص من الأطفال الثلاثة بسبب غيرتها من زوجته الثانية لعدم قدرتها على الإنجاب.

 "كنت شاكك إن العيال دي مش عيالي، عشان إيمان كانت شغالة في المترو وبتخرج كتير وتتأخر، واتفقنا احنا التلاتة إننا نتخلص من الأطفال عشان نحل المشاكل اللي كنا فيها، والاتفاق كان إننا نتخلص من العيال عشان "هالة" بتغير منهم وما اطلقش إيمان.

وعن تفاصيل ارتكاب الجريمة قال: "جهزنا طبق بلاستك ومليناه ميه وحطينا الطفل اللي كان لسه مولود من شوية بعد ما هالة قطعت له الحبل السري، وبعدها إيمان حطته في الطبق لمدة 10 دقائق، وهو كان لسه صغير مالوش ملامح قوي، وكان نازل عمال يعيط وفضل يعيط لحد ما مات".

وأضاف: "كنت واقف باساعدهم، وبعد ما مات حطيناه في شنطة واتخلصنا منه أنا وهالة، وبعدها قتلنا جنى بنفس الطريقة وكانت شبه أختها ملك وشعرها أسود، وكنت ساعتها باصور اللي بيحصل بتليفون هالة عشان ماحدش يفكر يبلغ عن القتل".

اعترافات المتهمة الثالثة 

روت المتهمة الثالثة "هالة" (زوجة الأب) علاقتها بالجريمة بقولها: "اتجوزت "أحمد" سنة 2010، وما كنتش باخلف عشان عندي مشاكل في الخلفة، وبعد ما جوزي اتجوز "إيمان" بقينا بنتخانق على طول أنا وهي ونضرب بعض، وهو كان بيحاول يحل المشاكل لكنها كانت بتتكرر".

وأضافت: " بعدها "أحمد" و"إيمان" خلفوا "ملك" و"جنى" وطفل تالت كان لسه مولود وما عملناش ليه شهادة ميلاد، وهما اللي اتفقوا على قتل العيال وغرقوهم في المياه ورشوا عليهم بوتاس، وانا ساعدتهم على التخلص من الجثث".

وتابعت: "اللي قتل العيال "إيمان" عشان "أحمد" كان بيقول عليهم ولاد حرام ومش عيالي، لكن أنا ماشوفتش عليها أي سلوك يخليه يفكر فيها بالشكل ده".