تامر حسني يحتفل بعيد الأم على طريقته الخاصة (فيديو)
شارك الفنان تامر حسني مقطع فيديو بأغنية لعيد الأم عبر حسابه الرسمي على موقع التواصل الاجتماعي إنستجرام.
وكتب تامر: "الأم هي اكتر حد تعب فيك الأم هي اكتر حد تعب معاك ومع اخواتك.. الأم هي أكتر حد تعب مع والدك الأم هي أكتر حد تعب في مذاكرتك.. الأم هي اكتر حد تعب معاك في طموحك واهتماماتك.. الأم هي أكتر حد يقدر ينصحك الأم هي أكتر حد ممكن يتحملك.. الأم هي اكتر حد بيسامحكك حتى لو في يوم قسيت.. الأم هي اكتر حد نفسه يشوفك ناجح.. الأم هي اكتر حد ممكن يتألم عشانك.. الأم هي أكتر حد بيحس بيك وانت ساكت رساله لكل اللي بيحبني أو بيتابعني أو حتى مش بيتابعني بس قرأ كلامي".
وتابع: "لو الدنيا تعباك، رضى أمك جواه مفتاح الدنيا والجنة كمان، لو مزعلها صالحها وحاول تستوعب أنك مهما كبرت بتفضل في عينها الطفل بتاع زمان، استوعبها عشان ولادك يستوعبوك يلا نرضيهم ونسمعهم احلى كلام ومشاعر طالعه من القلب كل سنه وكل أم طيبه وبخير ♥️ #بحبك يا أمي ومننساش الوالد برضو عشان هو الشقي اللي اختارهالنا وربنا يرحم كل ام واب مش معانا اللهم آمين".
