رامي جمال يدعو لفضح الشركات التى ترفض تعيين مرضى البهاق
شارك الفنان رامي جمال، متابعي صفحته عبر موقع التواصل الاجتماعي "فيسبوك" حملة لتوعية بمرض البهاق وأسبابه.
وقال رامي جمال: "البهاق، تعالوا كل يوم نعرف حد حاجة عن الموضوع ده، أولا ده مش معدي، وده بيبقى نقص في الخلايا الصبغية وده مرض مناعي، لو اترفضت في شغل بسببه، ابعتلي ونعرف الناس اسم المكان اللي مفيهوش إنسانية، لو إنتي أو إنت اترفضتم من اللي هتتجوزوه بسببه إنتم الكسبانين اللي يبص على لون جلدك قبل لون قلبك إنسان فاضي ميتعاشرش".
وأضاف: "لو في مدرسة وأصحابك مش فاهمين ده إيه متزعلش إحنا نعرفهم ده إيه، المدرسين يعرفوهم ده إيه، وأكيد هيقدرو إن ربنا ميزنا، البهاق مش مرض، البهاق ترجمة توتر وقلق وضغط فياريت كل الناس اللي عندها الحظ اللي شفتوا منكم والدعم اللي شفتوا منكم، من ساعة ما كتبت والتليفزيون مبيتكلمش غير عليه، دكاترة جلدية مشكورين عرضوا علاجي، وأنا بقولكم كتير أولى مني بالعلاج المجاني".
يُذكر أن المطرب الشاب رامي جمال، أعلن عن إصابته بمرض البهاق، قائلًا إنه ذهب لعدد كبير من الأطباء إلا أنهم لم يجدوا حلولًا له.
