"الرسول المصري".. الباز: نشعر كمصريين أن النبي "بتاعنا احنا" (فيديو)

قال الدكتور محمد الباز، رئيس مجلسي إدارة وتحرير جريدة "الدستور"، إن الاحتفال بالمولد النبوي الشريف في مصر له طابع وشكل خاص، مشيرا إلى أن المصريين لديهم مزاج خاص في الاحتفال بالمولد.

وأضاف خلال لقائه ببرنامج "90 دقيقة" المُذاع على قناة "المحور": "لو نزلت القرى في ليلة المولد هتلاقي المصريين بيوزعوا حلاوة المولد، وده لأننا ربطنا ذكرى المولد النبوي بالحاجة الحلوة".

وتابع: "علاقة المصريين بالرسول تشعرك أن احنا عندنا النبي المصري بتاعنا، وعبقرية المصريين تشعرك أن في ملامح وخصائص تقول الرسول ابن مصر".

وواصل: "سيدة مصرية بسيطة كانت بتزور قبر النبي ووقفت وبصت للمسجد والقبر وقالت بفطرة نقية وبلسان فيه فصاحة مصرية لو كنت نزلت في مصر كنا هنيناك.. الست دي مش منتبهة إن المصريين عملوا كده فعلا، وهنّوا النبي.. مش هتلاقي شعب تاني بيعمل مديح في النبي وآل البيت، وتشعر أنه بتاعنا احنا وكبير عيلتنا احنا".