سكون.. تعرف إيه عن الحب ؟

الحب قُدره مش كل إللي يتمنوه يقدروا عليه..
الحب موهبه فكونك تعشق الموسيقى مش معناها أنك تجيد العزف..
الحب إحساس بالأمان حتى في عز وإنت جارح بتعرف تداوي..
الحب مبتعرفش تداري حنانك في عز قسوتك..
الحب وعُودُه إحساس..ميثاقه كلمه عبرت عن إحساس !
الحب إكتشاف هتعرف قوة حبك وجودته وصورته الحقيقيه في المواقف..وكل شئ وقتها وارد.. وارد تكتشف إن كل ده كان صورة حب ضعيف غير مكتمل..وارد تكتشف مشاعر تفاجأك بجد !
الحب إستغناء تستغني فيه عن الأنا !
الحب مشروط..بتضحيه بإحتواء بتقدير بعطاء بصبر بشكر بإهتمام..لكن بتعمل كل ده بدون ما تدركه !
الحب مبيمنعوش ظروف ولا بتوقفه إحتمالات..
الحب تمسك وإصرار ومجاهده..
الحب عقل..لكن لازم فيه الجنون !
الحب لهفه..
الحب ملجأ لآهاتك وأحاسيسك وأوجاعك وأفراحك الكلمه بتريح..اللقاء بيهون..الصوت بيطمن..الصوره آمان...!
الحب تقبل وإقتناع
الحب..إستعداد..نضج..حكمه..إستيعاب..
الحب نيه صادقه تحت مركزية الله
الحب قرار..مش شعور وبس !
الحب قوه فلو ضعيف فرحم الله أمرئ عرف قدر نفسه !
الخلاصه:
الحب مش إنجذاب مش إنبهار مش إحتياج مش تملك..كل ده مهم حضوره لكنه صوره ناقصه تماما وميكملش أركان
الحب..ويكتمل الحب بما سبق..
وآخيرًا..
الحب...
رحيل في توقيت مناسب حفاظًا على قدسيته !