بالفيديو..أديب بعد إعدام قاتل الأطفال: كأننا أعدمنا ابن رشد.. الباشا قاتل

استنكر الإعلامى عمرو أديب، الحملات المثارة حاليًا والمنددة بإعدام محمود رمضان قاتل الأطفال من أعلى عقار بالاسكندرية، معربا عن تعجبه من اهتمام القنوات والإعلام الغربي بهذا الحكم دون معرفة أسبابه.
وقال أديب خلال تقديم برنامجه "القاهرة اليوم" على فضائية "اليوم": " الإخوان يقولون إن هذا الإرهابي لم ينتمِ لهم، ولكنهم في الوقت نفسه لديهم حزن شديد عليه بعد إعدامه، طيب إزاي كده وانتوا عايزين القاضي يديله إيه".
وأضاف " ايه الاقتراحات اللي كانت ترضيكوا.. نديله افراج مشروط، ولا نديله كشك يشتغل عليه ولا نوزع عليه بونبوني، انتوا فاكرين القاضي كان بيهزر لما حكم عليه بالإعدام المرة الأولى، هى الناس مش مصدقة ليه كأننا أعدمنا ابن رشد، الباشا قاتل".
وتابع " ايه الدوشة اللي معمولة بعد إعدام قاتل الأطفال، انتوا عايزنا نعيش في إرهاب ولا في بطاطا، أنا بسأل الإخوان بحق كل شىء مقدس ندى الراجل ده إيه"؟".
وطالب أديب السفارات المصرية بالخارج بتوضيح أسباب إعدامه وعرض الفيديو الذى يثبت التهمة والتى يلقى فيها الأطفال من أعلى عقار بمحافظة الإسكندرية.
لمشاهدة الفيديو..