الباز: ضعوا مشاهد أهل السودان أمام أعينكم وحافظوا على مصر

أكد الدكتور محمد الباز، رئيس مجلسي إدارة وتحرير جريدة "الدستور"، أهمية أن يظل الوطن آمنا مستقرا، قائلا: "مفيش أفضل من أمان البلد، حتى لو كان فيها مشاكل تقدر تحلها، لكن لو مفيش بلد هنقدر نعمل إيه؟!".

وقال الباز، خلال برنامجه الأسبوعي "مش حسبة برما" المذاع على إذاعة "نغم إف إم": "الناس فضلت تستنكر تكرار مقولة (إحنا أحسن من سوريا والعراق)، ولكنها حقيقة ومش مجرد كلام بنقوله، أمر مهم جدا إننا نتعلم الدرس، مش بنقول نحمد ربنا على اللي إحنا فيه".

وأضاف: "إحنا كويسين وبلد آمنة مستقرة ولا بد أن نحافظ عليها، بلاش نضيع وقتنا في هري ومناوشات لا هتقدم ولا هتأخر".

وتابع: "إنقاذ البلد في العمل والإنتاج والنهوض والتنمية، ممكن نتكلم حتى يوم القيامة، ومفيش حاجة هتطلع البلد قدام إلا العمل، دفعنا ثمنا كبيرا لأمن واستقرار البلد، ولازم نفكر فيه دايما".

ودعا الدكتور محمد الباز، رئيس مجلسي إدارة وتحرير جريدة "الدستور"، إلى وضع مشاهد الأسر السودانية التي كانت آمنة في بلدها وأصبحت الآن خارجه أمام أعيننا، مرددًا: "الحمدلله إن بلدنا مصر".