"جعفر العمدة" الحلقة 21.. إيمان العاصى تتفق مع شامة على قتل نجل رمضان
اتفقت إيمان العاصي التي تجسد دور الزوجة الثانية للنجم محمد رمضان في مسلسل جعفر العمدة مع بلال شامة "مجدي بدر" الذي سبق وخطف نجل محمد رمضان منذ 19 عامًا على أن يقتل سيف "أحمد داش" مقابل 15 مليون جنيه.
وقال لها شامة: "إنتي أكتر واحدة غفلتيني لما كان الحوار في عزه وخوفتيني أن جعفر هيقتلني وأنا صدقت كلامك لما رجعت لك بعد كذا سنة خوفتيني مع أن مفيش حاجة تخوف".
وأضاف: "أنا كنت صغير بس دلوقتي كبرت والعمر بيخلص ومعدتش فارقة ولا فيه مكان استخبى فيه وهو قرب يمسكني طب لما أجرب أروح أقوله أن أنتي اللي ورا الحوار دا كله بس أنا المرة دي معايا اللي يخليه يصدق".
وتابع: "معايا ابنه أنا مقتلتوش ووديته لواحدة ربته والواد لو ظهر هيقش 5 ملايين جنيه عشان مقولش لجعفر و١٠ لو عايزة تعرفي الواد فين و١٥ لو عايزاني أخلصك منه"، لترد أنها موافقة على قتله مقابل ١٥ مليون جنيه.
يعرض مسلسل جعفر العمدة حصريًا على قناة dmc دراما الساعة 6.15 مساءً والإعادة الساعة 1.30 صباحًا والساعة 12 ظهرًا، بالإضافة إلى عرضه على منصة watch it الساعة 6.20 مساء.
كما يعرض على قناة dmc الساعة 10.15 مساء والإعادة الساعة 5 صباحًا والساعة 9.45 صباحًا.
جعفر العمدة هو العمل الثالث الذي يجمع النجم محمد رمضان والمخرج محمد سامي فقط سبق واشتركا في عدد من المسلسلات التي حققت نجاحًا كبيرًا منها الأسطورة في 2016 والبرنس في 2020.
