الرئيس السيسى: معملناش المؤتمر الاقتصادى عشان نضيّع وقت.. ملتزمون بتنفيذ توصياته

قال الرئيس عبدالفتاح السيسي، إنه سعيد بالنقاش الذي تم خلال فعاليات المؤتمر الاقتصادي، خلال 3 أيام، مشيرا إلى أنه عندما تم إطلاق المؤتمر الاقتصادي كان الهدف إننا نسمع لبعضنا.

وتابع، خلال كلمته في ختام فعاليات المؤتمر الاقتصادي: "الظروف والتحديات في المنطقة محتاجة يكون في تواصل ونشوف مع بعض نعمل إيه، رغم الاختلاف".

وأردف: "في بداية المؤتمر قلت كلام والناس قالت تقصد إيه، أنا كنت شايف لما اتكلمت عن البيئة السياسية إننا واحنا بنتحرك عشان نعمل اقتصاد، نكون على خلفية بالبيئة السياسية الموجودة، لأن مش كل اللي بنتمناه نقدر نعمله".

وواصل: "كل الطروحات اللي اتقالت في المؤتمر الاقتصادي أي طالب في كلية السياسة والاقتصاد ممكن يتكلم فيها، لكن العبرة إزاى تعملوها؟".

وأضاف: "كل الكلام اللى تم التوافق عليه ملتزمين إننا نعمله لأننا معملناش الحوار عشان نستهلك وقت وخلاص، والكلام اللى اتقال محترم ومقدر وإحنا ملتزمين بأن التوصيات اللي تم التوافق عليها نعملها".