الرئيس السيسى لأبطال «المجموعة 139 صاعقة»: «اقبلوا اعتذارنا لو مكنّاش أخدنا بالنا منكوا قبل كده»
وجّه الرئيس عبدالفتاح السيسي الشكر والتحية لخمسة من أبطال القوات المسلحة في حرب أكتوبر من ضباط وجنود «المجموعة 139 صاعقة».
وقال الرئيس السيسي- في كلمة خلال انعقاد الندوة التثقيفية الـ36 بمناسبة الاحتفال بالذكرى الـ49 لانتصارات حرب أكتوبر المجيدة- موجها حديثه لأبطال القوات المسلحة: «لينا عظيم الشرف إننا نلتقي ونشوفكم وكل الناس الموجودة، مش بس في القاعة، في مصر، يشوفوا الرجال أو مَن تبقّى من الرجال، اللي قدموا للبلد الكرامة والعزة والنصر والشرف دون مقابل».
وأضاف: «احترامي واحترامنا وتقديرنا ليكم كلكم، اقبلوا اعتذارنا لو مكناش أخدنا بالنا منكوا قبل كده.. مهم إنكوا كنتوا تبقوا موجودين دلوقتي عشان نقول للمصريين شوفوا تمن الكرامة والشرف بيتعمل إزاي».
واختتم الرئيس السيسي كلمته لأبطال «المجموعة 139 صاعقة»: «الصورة دي جميلة، إحنا لازم نتصور معاكو، لنكون جزء مما قدمتموه للتاريخ.. اسمحوا لنا أن نتشرف أن إحنا نكون جنبكم».
وتحتفل مصر اليوم بالذكرى الـ49 لحرب أكتوبر، الذي سيظل خالدًا في تاريخ أمتنا ببطولات وأمجاد التي صنعها رجال القوات المسلحة بدمائهم الذكية في ملحمة عسكرية أبهرت العالم، ودونت سطورها بأحرف من نور امتد شعاعها للإنسانية جميعا، ليعكس إرادة المصريين في استعادة حقوقهم وتمسكهم بسيادة الوطن وأرضه وكرامته.
