والدة بطل من ذوى الهمم: كنا بنتدارى بأولادنا والرئيس السيسى طلعهم للنور
أشادت فجر كمال، والدة علي هاني بطل مصر في البلياردو وألعاب القوى، بدعم الرئيس عبدالفتاح السيسي لابنها، قائلة: "كنا في ظلام وربنا بعت لنا الرئيس عبدالفتاح السيسي وطلع ولادنا للنور، كنا مهمشين والرئيس جبر بخاطرنا في ولادنا".
وقالت «كمال»، في مداخلة هاتفية ببرنامج «صباح الخير يا مصر»، المذاع على القناة الأولى: "دلوقتي نقدر ندخل في أي مكان ليهم، عامل لنا حقوق وأماكن مكانتش موجودة نهائيا لينا، قدّر ولادنا وحسسنا إن ليهم مكان في المجتمع"، مؤكدة: "دلوقتي بقينا عالميين في لعبة ألعاب القوى، ومرشحين إننا نسافر مع منتخب مصر، وبالنسبة لوضع ذوي الهمم، فهو مختلف تماما عن ذي قبل، كنا بنتدارى بأولادنا ومش بنقدر ناخدهم لأماكن عامة، لكن دلوقتي بامشي بابني وأي حد بيتعامل معاه بمنتهى الحب".
وحول مشاركة نجلها في احتفالية «قادرون باختلاف»، قالت والدة علي هاني بطل مصر في البلياردو وألعاب القوى: «بتفرق معاه، وبلاقيه ماسك التليفون ويتفرج عليها أكتر من مرة من حبه في الرئيس، ربنا يجبر بخاطره زي ما جبر بخاطر ولادنا كلهم».
فيما قالت سوزان طلعت، والدة سما رامي سفيرة ذوي الهمم، إن وضع ذوي الهمم اختلف تماما إلى الأفضل في عهد الرئيس عبدالفتاح السيسي: "من عشرين سنة مكانش فيه كل اللي إحنا فيه ده، ومكانش فيه دمج قادرون باختلاف في المجتمع ووجودهم في كل المجالات".
وأضافت والدة سما رامي سفيرة ذوي الهمم، في مداخلة هاتفية ببرنامج «صباح الخير يا مصر»، أن الرئيس عبدالفتاح السيسي تعامل مع ذوي الهمم بقلبه، حيث تعامل كأب وليس كرئيس، وهو ما شعر به الجميع، متابعة: "واجهنا تحديات في الماضي بشأن عدم قبول أبنائنا في المدارس وعدم إدراجهم في مناحي الحياة، كانوا موجودين ولكن أغلب الناس لم يكونوا يتقبلونهم، لكنهم الآن محظوظون بأن يعيشوا هذا العصر مع الرئيس عبدالفتاح السيسي".
