رئيس مجلسى الإدارة والتحرير
د. محمد الباز
رئيس التحرير
وائل لطفى
رئيس مجلسى الإدارة والتحرير
د. محمد الباز
رئيس التحرير
وائل لطفى

زيزي عادل تعلن اعتزالها الغناء: «قربت من ربنا ولازم أكون ملتزمة»

زيزي عادل
زيزي عادل

أثارت المطربة الشابة زيزي عادل الجدل خلال الساعات الماضية بعد أن بثت فيديو عبر حسابها الرسمي على موقع الفيديوهات والصور إنستجرام أعلنت فيه اعتزال الغناء، وسط تفاعل كبير من متابعيها ومنهم من أيدها ومنهم من عارضها.

وظهرت زيزي في الفيديو غير محجبة وهو ما أثار حفيظة البعض وقالت في كلمتها، “أنا طالعة النهاردة في الفيديو أقول خبر مهم جدا أخدته في حياتي، يمكن الخبر ده يكون يكون أهم خبر وقرار في  حياتي، هو قرار الاعتزال، أنا قررت أسيب المهنة اللي أنا بشتغلها”.

وتابعت زيزي في الفيديو الذي نشرته، “القرار ده يمكن ما أخدتهوش امبارح يس، لكن أخدته من فترة كبيرة، أنا مطلعتش أقولكم الخبر ده من فترة، كنت حابة أتكلم مع نفسي ومع الناس القريبة والناس دي دعمتني جدا لما قولتلهم، وشجعوني، أنا ببعد عن أكتر حاجة من أكتر من المغريات في الدنيا، اللي هي الشهرة والأاضواء”.

وأردفت زيزي عادل في كلمتها: “الفترة اللي فاتت دي أنا قربت من ربنا جدا، ولقيت القرآن بيقولي إني لازم أكون ملتزمة وإن لازم أكون على قد ما أقدر ملتزمة، ويمكن تكونوا مستغربين، إني طالعة بشعري ومش محجبة، أنا طالعة بشعري لأن ربنا لسه ما أنعمش عليه بخطوة الحجاب، وبدعي ربنا إني ألبس الحجاب، وكل حاجة بتيجي خطوة خطوة، مفيش حاجة بتيجي مرة واحدة، فأنا خدت خطوة وإن شاء الله تيجي الخطوة اللي بعدها”.

وأكدت زيزي في كلمتها إنها أخذت القرار بالرغم من أن الغناء هو مصدر دخلها الوحيد وأنها من الممكن أن تتعرض لأزمة وخلال الفترة الماضية تعرضت لاختبار بأن تكمل في طريقها أو لا، وعادت إلى أهل الفتوى والعلم وقررت أن تأخذ موقفها النهائي في الاعتزال مؤكدة أن الأرزاق على الله.