«عازوينه يبقى داعية».. عمر الشناوي يشن هجوما على منتقدي محمد صلاح
أثار لقاء نجم منتخب مصر وليفربول الإنجليزي في برنامج «الحكاية» الجدل، إذ أكد «مو» أنه لا يميل إلى شرب الخمر، ما استدعى إلى مشاركة الفنان عمر الشناوي منشورًا يدافع عنه، ومهاجمًا من ينتقده.
وقال «الشناوي» عبر حسابه الرسمي على موقع «فيس بوك»: «لعيب كوره عاوزينه يبقي داعيه!!! هو ليه محدش بيفضل في حاله ويشوف نفسه الأول مش عاوز يشرب عشان طعمها بيضايقه عشان ملوش نفس عشان حرام عشان أي شي دي حاجه بينه وبين ربه بتتعالوا عليه ليه؟».
وأضاف: «شايفين إن أنتم أحسن منه ليه؟ مستكترين عليه النجاح فلازم تطلعوا في عيوب الدنيا، طب لو أنتم مستكترين عليه النجاح ربنا مش مستكتره عليه وبيزيده نجاح غصب عنكم، كفايه رياء وتظاهر بالدين وداخلكم سواد..لا، ومش بس كده ولو اتكلم في الدين هيقولوا بتتكلم في الدين ليه هو أي واحد اليومين دول بقي مفتي».
مواقف محرجة
وكان قد كشف الفنان عمر الشناوي، في وقت سابق، عن أحد المواقف المحرجة التي جمعته بـ نهلة توفيق، زوجة الفنان هاني شاكر، نقيب الموسيقيين، داخل دار الأوبرا المصرية.
وكتب عمر الشناوي على حسابه الشخصي بـ «فيس بوك»:« أنا نفسي أحكي عن موقف حصلي أثناء ذهابي للأوبرا لاستلام تكريم بالنيابة عن جدي الراحل كمال الشناوي ربنا يرحمه، وكان الحفل ده بيكرم فيه الزعيم عادل إمام والفنانة الجميلة لبنى عبد العزيز وبيقدم الحفل الفنان هاني شاكر نقيب الموسيقيين، دخلت زوجة الفنان هاني شاكر مصطحبة معها ابنها وصديق له وكان المكان المخصص لهم بجانبي ولكن المشكلة هنا أنه كان مخصص لهم كرسيين فقط وهما ثلاثة أشخاص قامت السيدة زوجة الفنان هاني شاكر نادهه الفتاة المسئولة عن تنظيم الجلوس في القاعة وقالتلها مين ده وقاعد هنا ليه».
وأكد أنها صممت أن تجلس مكانه وبالفعل شعر بالحرج وقام من مكانه، بعدما نادته الفنانة لبنى عبد العزيز ليجلس بجانبها.
