محمد محيى يطرح أغنية «يا لالى» من ألبوم «بتاع زمان» (فيديو)

طرح النجم محمد محيى، أغنيته الثامنة بعنوان "يا لالى" من ألبومه الجديد الذي يحمل اسم "بتاع زمان"، وذلك عبر موقع الفيديوهات الشهير “يوتيوب”، وجميع المتاجر الإلكترونية، ومحطات الراديو.

أغنية "يا لالى" تعاون فيها النجم محمد محيي مع كل من الشاعر الغنائي أمير طعيمة، والمحلن الموسيقي  محمد النادي، والموزع الموسيقي فهد، وماستر وميكس مهندس الصوت أمير محروس والأغنية من إنتاج ميوزيك ريكوردز، وتوزيع شركة "ديجيتال ساوند"، ومن المقرر أن يتم طرح باقي أغاني الألبوم المتبقية على فترات منتظمة ابتداء من اليوم.

 يذكر أن محمد محيى كان قد طرح من قبل سبع أغنيات من ألبوم "بتاع زمان"، وهي "ورقة وقلم"، من كلمات إيهاب عبده، وألحان مصطفى عوض، وتوزيع رفيق عاكف، و"انت في دمي"، من كلمات أيمن بهجت قمر، وألحان وليد سعد، وتوزيع الموسيقي فهد، و"بعدنا"، من كلمات الشاعر أحمد مرزوق، وألحان وتوزيع محمد رحيم، "سهرانين" كلمات نور حمدي، وألحان محمد محيي، وتوزيع محمد العشي، و"فوضت أمري" كلمات أشرف أمين، وألحان محمد محيي، توزيع محمد العشي، و"قلت أخونه" كلمات نور حمدي، وألحان كريم حمدي، توزيع فهد، و"قضية" كلمات رضا أمين، وألحان مصطفى عوض، توزيع فهد. 

كلمات أغنية "يالالى"

اللي مخليني في ويلي ... واللي مسهرني في ليلي.

أنا بشكي ليه من اللي في قلبي ...وقلبي منه بيشكيلي .

من قد إيه وهواه علي بالي 

من قد إيه وأنا بستناه

كان مالي بيه ما أنا كنت في حالي 

يشغلني ليه بليالي هواه 

يا لالي يالالي لا مال ولا قالي يا ما حصلي ياليالي

بقول وبغني ويبعد عني ويهرب مني وينساني

اللي مخليني في ويلي 

واللي مسهرني في ليلي

 أنا بشكي ليه من اللي في قلبي

 وقلبي منه بيشكيلي.

لا مني جنبه ولا بسيبه

 وبيقسي علي قلب حبيبه

 كل أما أقوله إنه شاغلني 

يتقل عليا وده عيبة.

علي الحال دة فاتوا أيام وليالي 

واللي نبات فيه بنصبح فيه 

وإزاي عذابي معاه بيحلالي 

وكل دة ولا حاسس بيه

يالالي يالالي لا مال ولا قالي 

ياما حصلي يا ليالي.

بقول وبغني ويبعد عني ويهرب مني وينساني.

اللي مخليني في ويلي واللي مسهرني في ليلي

أنا بشكي ليه من اللي في قلبي وقلبي منه بيشكيلي